Assalom-u alaykum, Mehmon!
Bosh sahifaga | Kirish | Ro΄yhatdan o΄tish
• Yangi tarjima filmlar makoni
• Derbi.Uz - Futbol yangiliklari
• Yulduz.Asia - Yulduzlar olami
• Milliy Art guruhining yangi konserti
Markaziy Osiyoda Yangi yil: eng ko‘p dam olish kunlari — o‘zbekistonliklarda
Tojikiston aholisi Yangi yil bayram kunlarida atigi bir kun dam oladi: “Bayram kunlari to‘g‘risida”gi qonunga ko‘ra, Yangi yil bayram kunlarida faqat 1-yanvargina dam olish kuni hisoblanadi, deb yozadi “ASIA-Plus”.

O‘zbekiston aholisining bu borada ko‘proq omadi chopdi: Yangi yil sharafiga o‘zbekistonliklar ketma-ket besh kun — 2018-yilning 30-dekabridan 2019-yilning 3-yanvarigacha dam oladi. Qo‘shimcha dam olish kunlari joriy etilganligi sababli ikki shanba — 2018-yilning 29-dekabr va 2019-yilning 5-yanvar kunlari ish kuni bo‘ladi.

Qozog‘iston aholisi Yangi yilda to‘rt kun dam oladi. Qozog‘istonliklar 30-dekabrdan dam olishni boshlaydi. 31-dekabr, 1 va 2-yanvar kunlari ham bayram kunlari hisoblanadi.

Qo‘shni Qirg‘izistonda ham to‘rt kun — 30-dekabrdan 3-yanvargacha dam olish kunlari hisoblanadi. Turkmanistonda ham Tojikistondagi kabi Yangi yilda atigi bir kun — 1-yanvar kuni dam olishadi.

Eslatib o‘tamiz, “2019-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi Prezident farmoni imzolanganligi haqida xabar berilgan edi.

Manba: www.daryo.uz
Qo`shdi: Admin
Kiritilgan sana: 06.12.2018 / 21:26
Bosh sahifaga
© 2013-2018, Xabar.Org™