Assalom-u alaykum, Mehmon!
Bosh sahifaga | Kirish | Ro΄yhatdan o΄tish
• Yangi tarjima filmlar makoni
• Derbi.Uz - Futbol yangiliklari
• Yulduz.Asia - Yulduzlar olami
• Milliy Art guruhining yangi konserti
Vazir o‘rinbosari Chiroqchi tumanidagi maktabda o‘quvchilarga dars o‘tdi
Xalq ta’limi vaziri o‘rinbosari Otabek Nazirov 4—5-dekabr kunlari Qashqadaryo viloyatining Chiroqchi tumanidagi umumta’lim maktablarida bo‘lib, tumandagi 2-maktabning 5-sinf o‘quvchilariga ingliz tilida dars o‘tdi. Bu haqda viloyat xalq ta’limi boshqarmasi boshlig‘i o‘rinbosari Maqsud Panjiyev ma’lum qildi, deb yozadi Turon24.

“O‘quvchilar uchun vazir o‘rinbosarining dars o‘tgani esda qolarli voqea bo‘ldi, – deydi 2-maktab direktori Bahodir Eshtemirov. – Vazir o‘rinbosari o‘quvchilarga Xalq ta’limi vazirligi nomidan proyektor va noutbuk sovg‘a qildi”.

Viloyat xalq ta’limi boshqarmasi mutasaddisining ma’lum qilishicha, vazir o‘rinbosari tashrif davomida tumandagi 4 ta maktab o‘quvchilariga vazirlik homiyligi bilan tashkil etilgan proyektor va noutbuklarni topshirgan.

“Otabek Anvarovich viloyatimizga tashrifi davomida tumandagi 3-, 24- va 140-maktablarda ham bo‘lib, o‘quvchilarga yaratilgan sharoitlar bilan tanishdi”, — dedi Maqsud Panjiyev.

Tumandagi 2-umumta’lim maktabi direktori Bahodir Eshtemirovning aytishicha, Otabek Nazirov maktab o‘quvchilari uchun sport anjomlari va futbol to‘plarini ham sovg‘a qilgan.

“Vazir o‘rinbosari maktabimizda basketbol sport turini rivojlantirish taklifini o‘rtaga tashladi, – deydi direktor Bahodir Eshtemirov. – Viloyatdagi mas’ul xodimlarga maktabda basketbolni rivojlantirish uchun shart-sharoit hozirlash xususida ko‘rsatma berdi”.

Vazir o‘rinbosari, shuningdek, o‘quvchilar davomati va maktab formasiga alohida to‘xtalib, ta’lim muassasalarining isitish tizimini ham ko‘zdan kechirgan.

Manba: www.daryo.uz
Qo`shdi: Admin
Kiritilgan sana: 06.12.2018 / 21:26
Bosh sahifaga
© 2013-2018, Xabar.Org™