То ҳол, 27 ғайринизомии Озарбойҷон дар ҳамлаҳои нерӯҳои Арманистон ба манотиқи маскунӣ ҷони худро аз даст додаанд.
Имрӯз Додситонии кулли Ҷумҳурии Озарбойҷон эълом дошт, ки пас аз идомаи ҳамлаҳои нерӯҳои Арманистон ба манотиқи истиқоматии Озарбойҷон шумораи қурбониёни мулкӣ ба 27 нафар афзоиш ёфтааст.
Мутаносибан, дар ҳамлаҳои артиши Арманистон ба шаҳрҳои Озарбойҷон аз рӯзи 27 сентябр 27 ғайринизомӣ кушта ва 141 маҷрӯҳ шуданд.
Дар ҳамлаҳои арманиҳо ба манотиқи истиқоматии Ҷумҳурии Озарбойҷон 376 хонаи истиқоматӣ ва 63 бинои ҳукумат, аз ҷумла чанд беморхона ва мактаб осеб дидаанд.
Артиши Ҷумҳурии Озарбойҷон ахиран амалиёти густардаеро барои бозпас гирифтани қаламравҳои ишғолкардаи худ оғоз кардааст ва мегӯяд, ки пас аз такроран вайрон кардани оташбас аз ҷониби низомиёни Арманистон дар минтақаи забтшудаи Қарабоғи Кӯҳӣ, шурӯъ шудааст.