Бар асари садамае, ки нимарӯзии 10 январ ба вуқӯъ пайваст, як нафар кушта шуда ва 5 нафари дигар ҷароҳат бардоштаанд. Шоҳроҳ бар асари фаромадани тарма баста боқӣ мемонад.
Тибқи иттилоъи Кумитаи Ҳолатҳои фавқулъода “дар 53 километрии роҳи монигарди Душанбе — Варзоб ронандаи мошини «Opel Zafira» зимни ҳаракта аз Душанбе ба Хуҷанд, аз ӯҳдаи идораи нақлиёт набаромада ба мошини боркаши интиқоли гази моеъ бармехӯрад. Дар натиҷаи садама 6 мусофири мошини сабукрав ҷароҳат бардоштанд”.
Ҳамаи онҳо ба беморхона интиқол дода шуда, дертар як мусофирзан ҷон додааст.
Аз ӯ Сайрам Мирзоева ном бурда мешавад, ки сокини ноҳияи Ашт буда, 57 сол доштааст.
Аз Кумитаи ҳолатҳои фавқулода ва мудофиаи шаҳрвандӣ гуфтаанд, ки хатари тармафароӣ то 15-уми январ боқӣ мемонад.
Гуфтанист, ки тибқи пешгӯи мутахассисони ҳавошиносии кишвар, шурӯъ аз дирӯз, 10-уми январ дар кишвар сардшавии ҳаво мушоҳида мешавад ва чанд рӯз идома мекунад. Дар ин муддат, дар саросари кишвар бориши барфу боронҳои пуршиддат дар назар аст.