Тазоҳурот дар Чин алайҳ маҳдудиятҳои ковидӣ қимати нафтро дар бозорҳои ҷаҳонӣ коҳиш додааст. Қимат нафти навъи Brent барои аввалин бор аз 11 январ аз 81 доллар барои ҳар бушка поёнтар рафт, WTI дар поинтарин сатҳb худ аз декабри соли гузашта муомила мешавад.
Блумберг хотирнишон мекунад, ки коршиносон нигаронанд эътирозоти густурдаи ғайримунтазира дар Чин, бузургтарин воридкунандаи нафт ҷаҳон, вокуниши тунди мақомот чиниро бармеангезад.
Бар асоси пешбинии ширкат таҳлилии Kepler, талабот ба нафт дар Чин дар семоҳаи чаҳоруми соли ҷорӣ ба 15.11 миллион бушка дар рӯз коҳиш меёбад, дар ҳоле, ки соли гузашта 15.82 миллион бушка дар рӯз буд.
Ҳамчунин таваҷҷуҳи бозорро музокирот байн кишварҳои аврупоӣ дар мавриди сақфи қимати нафти Русия ва тасмим Амрико барои иҷоза додан ба ширкати “Шеврон” аст. ”Уол стрит журнол” менависад нархи муомилоти январ нафти Брент дар бурси Ландан Ice futures то соат 19:18 рӯзи душанбе ба вақти Душанбе 81.12 доллар дар ҳар бкшка аст, ки 2.51 доллар (3 дарсад) камтар аз қимати поёнии ҷаласаи қаблӣ аст.
Қимати қарордодҳои ояндаи нафт WTI дар моҳи январ дар муомилоти электроникӣ дар бурси колои Ню-Йорк (Nymex) бо 2.18 доллар (2.86 дарсад) коҳиш ба 74.10 доллар дар ҳар бeшка расид.
Эътирозҳои камсобиқа дар Чин: Шиори “Си Ҷипин истеъфо” ва сонсур дар шабакаҳои иҷтимоӣ
Мақомоти Чин сонсури ахбор ва гузоришҳо дар бораи эътирозҳои чанд рӯзи ахир дар ин кишвар алайҳи маҳдудиятҳои эъмолшуда барои ҷилавгирӣ аз шуйӯъи вируси коруноро дар дастур кор қарор додаанд.
Шаҳрҳои Пекин, Шанхай ва Вуҳон рӯзи якшанбе ба думболи фарохони мунташиршуда дар шабакаҳои иҷтимоӣ саҳнаи эътирозҳои гурӯҳӣ аз шаҳрвандони чинӣ буд. Ин эътирозҳо тайи чанд даҳаи гузашта бесобиқа маҳсуб мешавад.
Мӯътаризон шиорҳое аз ҷумла “тести коруно намехоҳем, мо гурусна ҳастем”, “Си Ҷинпин истеъфо” ва “на ба карантин, мо озодӣ мехоҳем” сар доданд.
Ин эътирозҳо дар ҳоле сурат мегирад, ки Чин акнун танҳо иқтисоди бузурги ҷаҳон маҳсуб мешавад, ки ҳамчунон сиёсати сахтгиронаи маъруф ба “Ковид сифр” дар қиболи ҳамагирии коруноро иҷро мекунад. Бар ҳамин асос шаҳрвандон ҳамчунон бо карантинҳои сахтгирона ва тестҳои такрор ба такрор ва тақрибан ҳаррӯза рӯ ба рӯ ҳастанд.
Шиори канорагирии Си Ҷинпин, раисҷумҳури Чин аз қудрат дар ҳоле аз сӯи мӯътаризон сар дода шудааст, ки ӯ чанд ҳафта пеш дар Кунгираи ҳизби коммунист барои севумин давраи паёпай зимоми умурро дар Чин дар даст гирифт.
Мақомоти Чин ҳаргуна ишора ба таҷаммӯъоти эътирозии рӯзҳои ахир дар шабакаҳои иҷтимоӣ ин кишварро ҳазф кардаанд. Бар ҳамин асос ҷустуҷӯи ном ва маҳалли таҷаммӯъоти эътирозӣ дар шабакаҳои иҷтимоӣ бенатиҷа хоҳад буд.
Бино бар ба гузоришҳо маъмурони полис рӯзи душанбе дар маҳалли таҷаммӯъоти рӯзи якшанбе дар Пекин ва Шанхай ҳузури чашмгире доштанд. Ин дар ҳоле аст, ки шуморе аз ширкаткунандагон дар ин таҷаммӯъҳо боздошт шудаанд.
Теъдоди мубталоён ба вируси коруно дар Чин рӯзи душанбе бо шиносоии беш аз 40 ҳазор мавриди нав рекорди тозае сабт кард. Бо ин ҳол гузориш шудааст, ки аксари мубталоён алоими бемории “Ковид-19”-ро надоранд.