Барномаи рушди Созмони Милали Мутаҳид натиҷаҳои гузориши арзёбии таъсири иҷтимоиву иқтисодии таъсири пандемияро ба вазъи ичтимоиву иқтисодӣ дар Тоҷикистон ба маърази умум гузошт.
Таҳқиқот дар ҳамкорӣ бо ҳукумати Тоҷикистон бо иштироки шарикон оид ба рушд гузаронида шудааст.
Дар гузориш қайд мешавад, ки бо афзудани таъсири харобкунандаи COVID-19 ба иқтисоди ҷаҳон, нобаробарии иҷтимоиву иқтисодӣ дар Тоҷикистон боло рафта, занону ҷавонон мубталои хатари бекории дарозмуддат мегарданд.
Пратибҳа Меҳта, намояндаи Барномаи рушди Созмони Милали Мутаҳид дар Тоҷикистон гуфтааст, “Барои кумак ба кишвар дар посухи беҳбудии ҳадафманд мубтано бар далоил, дарки таъсири фаврӣ, миёнмуддат, ва тӯлонимуддати COVID-19 дар тамоми манотиқи кишвар бар зиндагиву маишати мардуми Тоҷикистон ва ҳамчунин дар касбу кор ва бахши ғайрирасмӣ бисёр муҳим аст”.
Ёфтаҳо ва тавсияҳои калидии барҷасташуда дар гузориши “Таъсири COVID-19 ба зиндагӣ, маишат ва ширкатҳои реза, хурд, мутавассит дар Тоҷикистон” бар асоси таҷвизу таҳлили додаҳои авваливу сонии ҳимоятшуда тавассути баррасии 1000 хонавода ва 700 ширкати резаву хурду миёна, дар мавриди чолишҳои ношӣ аз пандемия аст.
Ёфтаҳо таъид мекунанд, ки машғулияти дохилӣ таҳти султаи мардон аст. Дар ҳоле ки занону ҷавонон бо афзоиши хатари бекории дарозмуддат ба унвони яке аз таъсири тулонии COVID-19 мувоҷеҳанд.
Таври умум ҷомеъа бештар таҳти таъсири равандҳои иқтисодиву иҷтимоӣ ба мисли коҳиши интиқоли пул, адами пасандоз, аз даст додани манбаи аслии даромад, вуҷуди қарзи яке аз аъзои оила ва мубталоӣ ба бемории сироятӣ, қарор мегирад. Эҳтимоли табдил ёфтани бештари ҷамъияти осебпазир ба кушиши зинда монданро афзоиш медиҳад. Даромади хонаводаҳо, кори муҳоҷиру машғулиятҳои ғайрисабтшуда бузургтарин коҳишҳоро дар натиҷаи таъсири COVID-19 доштааст.
Зиёда аз 63 дар сади макроширкатҳо, хурд ва миёна гузориш кардаанд, ки дар ҳоли ҳозир таҳти таъсири манфии пандемия қарор доранд. Аҳолии деҳот ба ҳади аққали дастрасӣ ба хадамоти мушовараи касбу кору ва бозор мувоҷеҳанд. 85 дар сад дар ҷавоб дар мониторинг аз коҳиши фурӯши маҳсулот ва хадамот хабар доданд. Дар ҳоле ки 25 дар сад дар асари пандемия маҷбур ба таътили муваққат буданд. Уфти дастмузди коркунон болотарин уфт дар ширкатҳои кучак аст, ки бештар ба коркунони ҷавонтару ғайрирасмӣ зарба мезанад.
Доктор Пратибҳа Меҳта гуфтааст, “ин гузориш талоше аст, барои оғози баҳси густурдатаре дар мавриди тавсеаи фарогир, одилона ва пойдор дар заминаи таъсири пандемия ва пас аз COVID-19 ва ҳам саҳмгузорӣ дар барномаҳову тасмимҳои нав бар асоси далоили мавҷуд. Маводи мукаммали ёфтаҳову тавсияҳо дар гузориши “Таъсири COVID-19 ба зиндагӣ, маишат ва ширкатҳои реза, хурд ва миёна дар Тоҷикистон” дар вейбсати намояндагии Барномаи рушди Созмони Милали Мутаҳид дар Тоҷикистон мунташир шудааст”.