Рубрики Хабарҳо

Яке аз ҳадафҳои сафари Лавров маълум шуд

Сергей Лавров, вазири корҳои хориҷии Русия, ки бо сафари расмӣ дар Тоҷикистон қарор дорад, дирӯз 5 июн дар назди сарбозону афсарони пойгоҳи ҳарбии Русия дар Тоҷикистон суханронӣ кард. Дар ин суханронии тӯлонии ӯ, ки асосан ба шикоят аз Ғарб бахшида шуда буд, кӯтоҳ ба муносибот ба Тоҷикистон ҳам ишора шуд, ки зоҳиран ба яке аз ҳадафҳои сафараш бастагӣ дорад.

Лавров гуфт “умедворем мизбонони тоҷики мо, ки ин сарзамини меҳмоннавозро дар ихтиёри мо гузоштаанд, ба зудӣ фоидаҳои пайвастан ба ИИАО-ро (иитиҳоди иқтисодии АвруОсиё) барои худ таъйин кунанд. Нафарон рӯйи он кор мекунанд. Механизми мушовираи хос вуҷуд дорад”. 

Қабл аз сафари Лавров ба Тоҷикистон се ҳафтаи тамом муҳоҷирони тоҷик дар Русия зери фишору таъқиб ва саркӯби саросарӣ қарор доштанд. Коршиносон ин амалкарди Русияро фишори сиёсӣ болои мақомоти Тоҷикистон барои бароварда кардани кадом ҳадафе медонистанд. Бархе ин ҳадафро маҷбур кардани Тоҷикистон ба ИИАО, бархеи дигар боздоштани Тоҷикистон аз ҳамкориҳои бештар бо Чин ва гурӯҳи савум талаби иҷрои ваъдаи Раҳмон дар кӯмак ба ҷанг алайҳи Укроин тахмин мезаданд.

Ҳоло бо садо додани масъалаи пайвастани Тоҷикистон ба ИИАО аз забони Лавров, маълум мешавад ҳадаф ё ҳади ақал яке аз ҳадафҳои фишор болои муҳоҷирон ва сипас сафари ӯ, ҳамин будааст.Дирӯз Муҳиддин Кабирӣ, раҳбари Паймони миллии Тоҷикистон дар гуфтугӯ бо “Паём” саркӯби муҳоҷирон муқаддимаи сафари Лавров ба Тоҷикистон буд ва ӯ ҳатман бо дастовардҳое аз Тоҷикистон бар хоҳад гашт.  

Оставить ответ

Ваш адрес email не будет опубликован. Обязательные поля помечены *