Бо 836 доллар маҷмӯъи маҳсулоти дохилӣ ба сари аҳолӣ, Тоҷикистон чаҳорумин кишвари фақири дунё маҳсуб мешавад.
Сомонаи “FocusEconomics”, ки кишварҳои ҷаҳонро тибқи ММД ба сари сокинон тақсимбандӣ кардааст Тоҷикистонро дар чоргонаи фақиртарин кишварҳои ҷаҳон қарор додааст. Фақиртар аз Тоҷикистон танҳо се кишвари африқоӣ – Конго, Мозамбик ва Уганда будаанд.
Дар муқобил, Қатар, Макао, Люксембург ба Сингапур дар чаҳоргонаи доротарин кишварҳои ҷаҳон ҷойгир шудаанд.
Ду ҳамсоякишвари Тоҷикистон — Қирғизистону Ӯзбекистон ҳам дар даҳгонаи кившарҳои фақир қарор гирифдаанд.
Узбекистон дар ҷои 8-ум бо 1025 доллар Маҷмӯи маҳсулоти дохилӣ бар сари аҳолӣ ва Қирғизистон дар ҷои 10-уми фақиртарин кишварҳои ҷаҳон бо 1121 доллар ММД бар сари аҳолӣ ҷой гирифтаанд.
Дар ҳамин ҳол се кишвари арабӣ — Қатар, АМА ва Кувайт ба даҳгонаи доротарин кишварҳои ҷаҳон бо мутаносибан 128700, 68700 ва 66700 Маҷмӯи маҳсулоти дохилӣ бар сари аҳолӣ ҷойгир шудаанд.
Аввалин ва ҳамагӣ як бор соли 2013 Маҷмӯи маҳсулоти дохилии Тоҷикистон аз марзи 1000 доллар убур карда буд, аммо бӯҳрони оғози иқтисодии Русия ва коҳиши интиқоли пули муҳоҷирин, ин нишондод дубора поён рафт.
Пойгоҳи “FocusEconomics”, пешбинӣ кардааст ММД бар сари аҳолӣ дар Тоҷикистон танҳо соли 2022 аз марзи ҳазор доллар убур карда, ба 1086 доллар хоҳад расид.