Бонки миллии Эрон эълом кардааст, иттисоли ин бонк бо ҷамъияти ҷаҳонии иртибототи молии байнибонкӣ зӯҳри имрӯз қатъ мешавад.
Бонки миллии Эрон дар номае эълом кардааст, тибқи дастуруламали ҷомеъаи ҷаҳонии иртибототи молии байнибонкӣ (SWIFT) аз соат 14.30 имрӯз, душанбеи 12 ноябр иртиботи ин бонк бо SWIFT қатъ мешавад.
Ин бонк аз тамоми идорот ва шӯъбаҳои худ хостааст то пеш аз ин замон нисбат ба дарёфт ва ирсоли паёмҳои худ аз тариқи сомона SWIFT иқдом кунанд ва ҳама собиқаҳо ва оморҳои худро нигаҳдорӣ кунанд.
Гуфтанист, Бонки миллии Эрон дар листи таҳримҳои дуввуми Амрико алайҳи Эрон, ки 5 ноябр иҷроӣ шуд, қарор дорад.
Ҳамчунин Готфред Либронт, мудири иҷроии SWIFT гуфтааст ин иқдом дар ростои ҳифзи субот ва якпорчагии системи нақл ва интиқолоти молӣ ва иртибототи миёнибонкӣ дар ҷаҳон сурат хоҳад гирифт.
Бар асоси эъломи SWIFT, иттисоли бархе бонкҳои эронӣ бо ин марказ қатъ хоҳад шуд.