Муроҷиати муовини раиси ПМТ ба шиканҷадиҳандагони Шарофиддин Гадоев
Алим Шерзамонов аз вазъияти бад ва шиканҷа шудани Шарофиддин Гадоев изҳори нигаронии шадид карда, ба шиканҷадиҳандагон ва рақибонаш муроҷиат карда, хитоб ба онҳо гуфт: “Шумо ҳамаатонро оё омдар зоида бошад?”
Муовини раиси Паймони миллии Тоҷикистон (ПМТ) имрӯз 18-уми феврали 2019 бо интишори муроҷиате дар сафҳаи фейсбукиаш дар мавриди Шарофиддин Гадоев, яке аз раҳбарони рабудашудаи ПМТ гуфт: “Агар модаратон дар қайди ҳаёт набошад, раведу ба чашмони хоҳаратон ва духтаратон нигоҳ кунед ва дар чеҳраҳоҳои онҳо модар ва хоҳари Шарофиддинро бинед. Онҳо розӣ ҳастанд, ки ҷигарбандашон кошкӣ дар берун аз кишвар шаҳид мешуду ӯро дар ин ҳолат намедиданд.”
Алим Шерзамонов хитоб ба шиканҷадиҳандагон ва рақибонаш, ки бар ҳоли Шарофиддин Гадоев тамасхур мекунанду табли шодӣ мезананд, гуфт: “Шумо ҳамаатонро оё модар зоида бошад?”
Ӯ афзуд: “Ҳамин ҳоло дарак ёфтам, ки ин бародар шадидан шиканҷа мешавад.”
Бар асоси манобеъи хубаргузории “Паём”, Шарофиддин Гадоев мавриди шиканҷаи шадид қарор гирифта истодааст.