Вазорати савдои Қазоқистон қарор дар бораи бастани намояндагии тиҷории ин ҷумҳурӣ дар Русияро ба муҳокимаи умум дар портали лоиҳаҳои қонунгузорӣ пешниҳод кардааст. Ҳуҷҷат дар сайти «Open NLA» нашр шудааст.
Муҳокимаи ҷамъиятии лоиҳа ду ҳафта давом мекунад.
Ин дар ҳолест, ки намояндагии тиҷоратии Қазоқистон дар Русия ба хабаргузории РБК гуфтанд, ки онҳо ба таври муқаррарӣ кор мекунанд.
Созишнома дар бораи таъсиси мутақобилаи намояндагиҳои тиҷоратӣ миёни ҳукуматҳои Русия ва Қазоқистон моҳи октябри соли 1992 ба имзо расида буд. Қазоқистон онро соли 2012 ба тасвиб расонд.
Афзалияти кори намояндагии тиҷорӣ кумаки бемузд ба содиркунандагон ва дистрибюторҳои Қазоқистон дар ворид шудан ба бозори Русия, инчунин ҷалби сармояи хориҷӣ ба Қазоқистон мебошад.
Он ба соҳибкорони қазоқ дар пешбурди молу хизматрасонӣ дар Русия кӯмак мерасонад, инчунин фаъолиятҳои иттилоотӣ ва таҳлилӣ мегузаронад.