Дар нишасти онлайнии сарони Созмони ҳамкории Шонгҳой Эрон расман ба унвони нӯҳумин узви ин гурӯҳи сиёсӣ-амниятии Евразия пазируфта шуд. Иброҳим Раисӣ, раисҷумҳури Эрон дар ин нишаст гуфт узвияти Эрон дар ин созмон дар таърих мондагор хоҳад шуд. Эрон узви нозир ин созмон буд.
Иброҳим Раисӣ гуфт, ки ин созмон аз зарфияти қобили таваҷҷуҳ барои рушду тавсеаи ҳамкориҳои сиёсӣ, иқтисодӣ ва амниятӣ бархурдор аст.
Раисҷмҳури Эрон дар суханоне ибрози умедворӣ кард, ки узвияти ин кишвар мӯҷиби таъмини амнияти ҷамъӣ ва густариши равобит шуда ва мунҷар ба ваҳдати бештар шавад.
Ӯ таъкид кард, ки Созмони ҳамкории Шонгҳой беш аз 60 дарсади минтақаи Евразия ва беш аз 40 дарсади аз ҷамъияти ҷаҳонро ба худ ихтисос додааст.
Раисӣ дар идома гуфт, ки кишварҳои ғарбӣ бо “иҷбори иқтисодӣ ва таҳрим” амният ва рифоҳи иқтисодӣ ва усули тиҷорати одилонаро дар ҷаҳон ба хатар андохтаанд. Ў афзуд: “ончи бистарсози султаи низоми ғарбӣ шудааст султаи доллар будааст.” Раисҷумҳури Эрон хоҳони ҳазфи султаи доллар шуд.
Бистусавумин иҷлоси Созмони ҳамкориҳои Шонгҳой рӯзи сешанбе ба мизбонии Ҳинд баргузор шуд. Раҳбарони кишварҳои узв дар ин нишаст ба гунаи маҷозӣ суханронӣ карданд.
Вазири хориҷаи Эрон дар твитте навишт, ки узвияти комили Ҷумҳурии Исломии Эрон дар созмони ҳамкории Шонгҳой, гоми муҳимме дар пайгирии сиёсати хориҷии фарогир, тақвияти сиёсати ҳамсоягӣ ва нигоҳ ба осиёст.
Амир Абдуллоҳиён таъкид кард, ки Эрон ба унвони нӯҳумин узви Созмони ҳамкории Шонгҳой, барои боло бурдани ҳамкориҳо, таҳаққуқи аҳдоф ва баҳрамандӣ аз имтиёзҳои комил он талош мекунад.