ДОИШ масъулияти ҳамлаи интиҳорӣ алайҳи шайхи Раҳимуллоҳ Ҳаққонӣ дар Кобулро бар ӯҳда гирифтааст.
Билол Каримӣ, сухангӯи давлати муваққати Толибон дар твитте эълом кард, ки шайх Раҳимуллоҳ Ҳаққонӣ, яке аз шахсиятҳои барҷастаи гурӯҳи Толибон ва таъсиргузортарин узви гурӯҳи Ҳаққонӣ дар пайи инфиҷоре дар Кобули Афғонистон кушта шуд.
Вай гуфт, ки Ҳаққонӣ дар натиҷаи як ҳамлаи бомбагузорӣ шуда кушта шудааст.
Каримӣ зимни ибрози таасуф аз кушта шудани Ҳаққонӣ, ҷузъиёти бештаре дар мавриди ин ҳамла ироа накард.
Аз сӯи дигар расонаҳои Афғонистон муддаӣ шуданд, ки Ҳаққонӣ дар асари як ҳамлаи интиҳорӣ дар ҳини тадрис дар мадрасаҳои вобаста ба ин гурӯҳ дар Кобул кушта шудааст.
ДОИШ дар шабакаҳои иҷтимоии худ эълом кард, ки масъулияти ҳамлаи интиҳорӣ алайҳи шайх Раҳимуллоҳ Ҳаққонӣ дар Кобулро бар ӯҳда гирифтааст.
Гурӯҳи Ҳаққонӣ, ки тавассути Ҷалолиддин Ҳаққонӣ дар соли 1970 таъсис шуд, алайҳи иттиҳоди ҷамоҳири Шӯравӣ, ки баъдан ба Афғонистон ҳамла кард, ҷангид.
Ин гурӯҳ дар замони ишғоли Афғонистон тавассути Шӯравӣ дар дохили гурӯҳҳои муҷоҳидини муқовамат, таҳти ҳимояти Амрико фаъолият мекард. Бо ин ҳол, ин гурӯҳ баъдан алайҳи НАТО низ ба муборизаи мусаллаҳона пардохт.
Ин гурӯҳ ба унвони тарроҳи бисёре аз ҳамалот дар давраи ахир шинохта мешавад.
Гурӯҳи Ҳаққонӣ дар соли 1995 ба Толибон пайваст ва ҳамчунон ба унвони муҳимтарин ҷузъи Толибон маҳсуб мешавад.
Пас аз марги Ҷалолиддин Ҳаққонӣ дар соли 2018, писараш Сироҷиддин Ҳаққонӣ, ки дар ҳоли ҳозир вазири дохилаи ҳукумати муваққати Толибон аст, ҷонишини вай шуд.