Вазорати тандурустии Тоҷикистон эълон кард, ки то асри 3 май 91 мавриди собитшудаи бемории СОVID-19-ро сабт кардааст ва як нафар низ бар асари ин беморӣ ҷон додааст.
Дар умум ба гуфтаи вазорат, то рӯзи 3-юми июн дар саросари Тоҷикистон 4191 нафар ба бемории нав гирифтор шудаанд ва 2347 нафар аз бемории ҳамагир шифо ёфтаанд. Талафот аз беморӣ дар кишвар 48 нафар гуфта шудааст. Аммо мутахассисон ва бисёриҳо мегӯянд, миқёси беморӣ ва маргу мир аз СОVID-19 дар Тоҷикистон зиёд аст ва мақомот ҳақиқатро дар бораи беморӣ пинҳон медоранд.
Дар як ва илтиҳоби шуш таҳиягарони он номи беш аз 400 нафарро дарҷ кардаанд ва дар як ҳафтаи ахир номи 20 нафар ба он шомил шудааст. Тоҷикистон рӯзи 30-юми апрел эълон кард, ки коронавируси нав ба кишвар сироят кардааст, ҳарчанд бо назардошти фавти чандин нафар аз бемории ба гуфтаи мақомот “илтиҳоби шуш” мутахассисон мегуфтанд, ки беморӣ вуҷуд дорад ва мақомот намехоҳанд, ки онро эътироф кунанд.
Баъди радду бадалҳо бо Созмони Ҷаҳонии Тандурустӣ, ҳукумати Тоҷикистон гурӯҳе аз мутахассисони созмонро ба Душанбе даъват кард. Пеш аз вуруди ҳайат ба кишвар дар рӯзи 1-уми май, вазорати тандурустӣ санаи 30 апрел эълон кард, ки “15 мавриди сирояти СОVID-19” дар Тоҷикистон сабт шудааст.