Колумбия омода аст, ки интиқоли захираҳои энержиро ба Иттиҳодияи Аврупо афзоиш диҳад, то манобеъи энержии Русияро иваз кунад. Дар ин бора президенти ин кишвар Иван Дюк дар мусоҳиба бо шабакаи телевизионии CNN хабар дод.
Вай гуфт, ки кишвар метавонад истихроҷи нафту газро афзоиш диҳад ва ҳамчунин таъмини водороди тоза ва ангиштро танзим кунад.
Иван Дюк гуфт: «Колумбия имруз истеҳсоли ангиштро зиёд карда метавонад. Гарчанде мо яке аз захираҳои калонтаринро дар ҷаҳон дорем, онро барои тавлиди энергия истифода намебарем.»
Раисҷумҳур илова кард, ки дар натичаи гуфтушунид бо канцлери Германия Олаф Шолц таъминоти ангишти Колумбияро зиёд мекунад.
Тибқи маълумоти Вазорати маъдан ва энергетикаи Колумбия, бахши нафту газ 3,3 дарсади ММД-и кишварро ташкил медиҳад, дар ҳоле ки маъданҳо каме бештар аз 2 дарсади ММД-ро ташкил медиҳанд.
Қаблан раисиҷумҳури Амрико Ҷо Байден қонунеро имзо кард, ки воридоти нафту гази Русияро манъ мекунад. Иттиҳодияи Аврупо ба таҳияи бастаи шашуми таҳримҳои зидди Русия, ки маҳдудиятҳои марбут ба нафтро дар бар мегирад, оғоз кардааст.