Бонки миллии Тоҷикистон ба таври ғайримунтазира эълом кард, ки маргу мир аз бемории илтиҳоби шуш дар кишвар тайи чаҳор моҳи нахусти имсол дар муқоиса бо ҳамин давраи соли пеш афзоиш доштааст.
Бонки миллии Тоҷикистон гузориш дод, ки тайи чаҳор моҳи нахусти имсол панҷ ҳазору 489 нафар ба бемории илтиҳоби шуш гирифтор шудаанд, ки дар муқоиса бо ҳамин давраи соли гузашта 850 маврид бештар аст.
Бонки миллии Тоҷикистон теъдоди афроди фавтида бар асари бемории илтиҳоби шушро дар чаҳор моҳи нахусти имсол 95 нафар эълом кардааст.
Ин дар ҳолест, ки Вазорати тандурустии Тоҷикистон гузориш дода буд, ки дар се моҳи нахусти имсол дар муқоиса бо ҳамин давраи соли гузашта дар кишвар теъдоди нафарони мубтало ба илтиҳоби шуш 169 нафар камтар аст.
Бонки миллии Тоҷикистон эълом кардааст, ки ҳамасола байни ҳафт то 16 ҳазор нафар дар кишвар ба бемории илтиҳоби шуш гирифтор мешаванд, ки аз 130 то 650 нафар ҷони худро аз даст медиҳанд.
Гуфтанист, Вазорати тандурустии Тоҷикистон пас аз моҳҳои инкори вуҷуди вируси корона танҳо рӯзи 30 апрел аз сабти 15 бемори мубтало ба КОВИД 19 дар кишвар хабар дод.
Сообщение ПАЁМ.net.