Аз оғози сол ҳудуди 420 ҳазор нафар аз Русия ба хориҷи кишвар рафтаанд, ки қариб ду баробар зиёдтар нисбат ба ҳамин давраи соли гузашта аст.
Тавре хабаргузории бо истинод ба Идораи омор (Росстат)-и Русия , дар ин давра аз ҳама бештар аз Русия ба Украина 79 ҳазору 600 нафар сафар кардаанд.
Аз кишварҳои Осиёи Миёна беш аз ҳама ба Тоҷикистон — 58 ҳазору 400 нафар сафар кардаанд. Ба Қирғизистон — 43 ҳазору 600 нафар, ба Қазоқистон — 40, ҳазору 700 нафар ва ба Ӯзбекистон — 38 ҳазору 600 нафар рафтаанд.
Ҳамчунин шумори сафаркардагон аз Русия ба Арманистон дар ин шохис баъди Тоҷикистон буда, 49 ҳазор нафарро ташкил медиҳад
Тибқи маълумот теъдоди аз Русия хориҷшудагон 218 ҳазору 500 нафар ё худ 2,1 баробар афзудааст.
Бино ба ҳисобу китоби Росстат, аз оғози сол шумори аҳолӣ дар Русия 480 ҳазору 600 нафар ё худ 0,33% кам шудааст.
Дар ҳамин давраи соли 2021 шумори аҳолии Русия 307 ҳазору 700 нафар ё худ 0,21% кам шуда буд.
Дар ҳамин ҳол, бино ба маълумоти Агентии омори Тоҷикистон, дар зарфи 6 моҳи соли ҷорӣ 112 ҳазор нафар аз Русия ба Тоҷикистон омадаанд. Ин нишондиҳандаи дуюм пас аз Ӯзбекистон — 319 ҳазор мебошад.