Раҳбари гурӯҳи шибҳинизомии “Вагнер” рӯзи якшанбе муддаӣ шуд, ки пас аз таҳдид ба ақибнишинӣ аз шаҳри Баҳмут, артиши Русия ваъда додааст, ки ба онҳо муҳиммоту силоҳҳои бештаре таҳвил медиҳад.
Евгений Пригожин дар паёми савтӣ гуфт: “шаби гузашта мо як дастури низомӣ дарёфт кардем…» вай афзуд: «ба мо қавл дода шудааст, ки тамоми муҳиммоту силоҳҳои мавриди ниёз барои идомаи амалиёт дар ихтиёри мо қарор гирад.”
Вай тасреҳ кард, ки ба ин гурӯҳ гуфта шудааст, ки метавонанд дар Баҳмут ҳар тавр, ки лозим медонанд амал кунанд.
Пригожин афзуд, ки Сергей Сорокин аз ин пас “тамомии тасмимоти марбут ба амалиёти низомии Вагнерро бо ҳамкории вазорати дифоъи Русия мегирад.”
Вай таъкид кард “ӯ танҳо касе аст, ки ситораҳои генералии артишро дорад ва медонад чигуна бояд ҷангид.”
Генерал Сорокин дар октябри гузашта ба унвони фармондеҳи нерӯҳои Русия дар Укроин мансуб шуд. Аммо чанд моҳ баъд генерал Валерий Герасимов ҷонишини вай шуд. Фарди тозаворид борҳо аз сӯи Пригожин мавриди интиқод қарор гирифтааст.
Евгений Пригожин ҷумъаи гузашта таҳдид кард, ки нерӯҳояшро дар таърихи 10 май аз Баҳмут хориҷ мекунад. Вай ситоди кулли Русияро муттаҳам кард, ки ба нерӯҳои таҳти амри ӯ муҳиммот намедиҳад.
Вай ҳамчунин рӯзи шанбе аз вазири дифоъи Русия хост то нерӯҳои Рамазон Қадиров раҳбари Чеченистон ба нерӯҳои вай дар Баҳмут бипайванданд.