Бо ташаббуси Институти илмию тадқиқотии рушди устувор ва иқтисоди сабзи Донишгоҳи байналмилалии сайёҳӣ ва соҳибкории Тоҷикистон конфронси байналмилалии илмию амалӣ таҳти унвони «Иқтисоди сабз дар шароити тағйирёбии иқлим: гузариш бо мақсади рушди устувор» баргузор гардид.
Ҳамоиш бахшида ба Соли байналмилалии ҳифзи пиряхҳо бо иштироки зиёда аз 100 нафар, аз ҷумла намояндагони ҳукумат, созмонҳои байналмилалӣ, сафирони кишварҳои хориҷӣ ва донишмандон аз Тоҷикистон, Канада, Ҳиндустон, Чин ва Эрон доир шуд.
Иштирокдорон масоили муҳими иқтисоди сабз, аз ҷумла энергияи таҷдидшаванда, логистикаи сабз ва истеҳсолоти устуворро мавриди муҳокима қарор доданд.
Дар ифтитоҳи конфронс муовини Сарвазири мамлакат Дилрабо Мансурӣ ва ректори донишгоҳ Убайдулло Асрорзода суханронӣ намуда, ба нақши калидии Тоҷикистон дар пешбурди рушди устувор ва ҳифзи муҳити зист таъкид карданд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube