Дар нишасти Созмони милал бо ҳадафи ҳифозат аз муҳити зист, ширкаткунандагон бар сари тавофуқномаи нав ба тафоҳум расиданд. Ҳудуди 200 кишвар аҳд бастанд дасти кам 30 дарсад аз хушкӣ ва уқёнусҳоро то соли 2030 таҳти ҳифозат қарор диҳанд.
Пас аз музокироти фишурда, ки ду ҳафта тӯл кашид, ширкаткунандагон дар иҷлоси ҷаҳонии муҳити зист, ки дар шаҳри Монреали Канада баргузор шуд, дар мавриди эъломияи ниҳоӣ ба тавофуқ расиданд.
Тибқи ин эъломия ҳудуди 200 кишвари ҷаҳон ҳадафи муштаракро таъйин карданд: ҳифозат аз дасти кам 30 дарсад аз хушкӣ ва уқёнусҳои ҷаҳон то соли 2030. Ин кишварҳо ҳамчунин эълом омодагӣ карданд то барои ҳифозат аз муҳити зист буҷаи бештареро ихтисос диҳанд. Тавофуқ бар сари ин эъломия бо истиқбол ва ташвиқи ҳамаи ҳозирон дар маҳалли ташкили конфронс рӯ ба рӯ шуд.
Кишварҳои сарватманд мутааҳҳид шудаанд то расидан ба ин ҳадаф кишварҳои фақир ва дар ҳоли тавсеаро аз назари молӣ таъмин кунанд. Дар ин росто кишварҳои сарватманд бояд то соли 2050 солона ҳудуди 20 миллиард доллар ба кишварҳои фақир кумак кунанд.
Бар асоси чорчуби муштараки таъйиншуда ҳамчунин бо афзоиши буҷа — ба вижа барои кишварҳои дар ҳоли тавсеа ва кишварҳои ҷазираии кӯчак — барои пружаҳое ба манзури ҷилавгирӣ аз талафоти бештари муҳити зист мувофиқат шуд.
Ҳамчунин қарор шуд то соли 2030 ҳудуди 200 миллиард доллар аз манобеъи умумӣ ва хусусӣ барои ин манзур дар назар гирифта шаванд.
Дар ҳоли ҳозир ҳудуди 17 дарсад аз экосистемҳои хушкӣ ва 10 дарсад аз манотиқи баҳрӣ таҳти ҳифозати расмӣ қарор доранд. Ҳаёти инсони рӯйи кураи замин вобаста ба муҳити зист дар ин кура аст ва ба гуфтаи донишмандон ва коршиносон агар раванди кунунии осеб задан ба муҳити зист ва аз байн бурданимуҳити зист идома ёбад, инқирози экосистемаҳо барои ҳамеша ва ғайриқобили бозгашт хоҳад буд.
Понздаҳумин нишасти ҷаҳонии муҳити зист маъруф ба “КАП 15” қарор буд соли 2020 дар Чин баргузор шавад аммо дар пай бурузи ҳамҳагирии коруно ин иҷлос ба таъхир афтод ва сипас ба чанд бахш тақсим шуд. Бахши аввали музокирот октябри соли гузашта ба сурати маҷозӣ дар шаҳри Кунаминги Чин баргузор шуд. Дар ин нишасти панҷрӯза беш аз 1700 намоянда аз кишварҳои ҷаҳон ҳузур доштанд.