Мутобиқи баровардҳо зиёни буҳрони коруно барои иқтисоди Олмон метавонад беш аз 700 миллиард евро бошад. Як институти бособиқа пажӯҳише баровард карда, ки ин буҳрон ба рукуди тавлид ва бекорӣ меанҷомад ва буҷаро ба шиддат таҳти фишор мегузорад.
Бо гузориши хабаргузории олмонии Дойче Велла, нститути IFO дар шаҳри Мюнхен баровард карда, ки зиёни иқтисодии буҳрони коруно барои Олмон метавонад то 729 миллиард евро бошад. Бар пояи ин баровард паёмади шуйӯъи вируси ҷадиди коруно эҳтимолан вахимтар аз зиёни буҳрони иқтисодии соли 2009 ва зарари ҳаводиси табиӣ хоҳад буд.
Ин муассисаи пажӯҳишӣ дар баёнияе, ки душанбе, 23 март мунташир шуд, ба ҷанбаҳое аз абъоди зарбаи буҳрони коруно бар вазъияти иқтисодии Олмон пардохтааст. Институт IFO соли 1949 аз ба ҳам пайвастани ду муассисаи пажӯҳишии ҳавзаи иқтисод дар ҷануби Олмон шакл гирифт.
Климанс Фуст, раиси муассисаи мустақар дар Мюнхен мегӯяд шуйӯъи коруно барои иқтисоди Олмон рукуд, бекорӣ ва табдили бисёре аз иштиғолҳои комил ба муваққатиро ба думбол хоҳад дошт ва буҷаи солонаро бо мушкилоти азиме мувоҷеҳ мекунад.
Мутобиқи сенарияҳои мухталиф, иқтисоди Олмон бар асари буҳрон коруно 2,7 то 6,2 дарсад кӯчактар хоҳад шудд ва ҳазинаи он байни 255 то 729 миллиард евро хоҳад буд.
Ба гуфтаи Климанс Фуст эҳтимол меравад ҳазинаи буҳрони коруно аз тамоми зиёнҳои шинохташуда, ки дар даҳаҳои ахир ба хотири буҳронҳои иқтисодӣ ва садамаҳои табиӣ бар иқтисоди Олмон ворид шуда, бештар бошад.
Ӯ мӯътақид аст дар шароити кунунӣ ба роҳбурдҳо ва роҳкорҳое ниёз аст, ки имкон диҳанд аз саргирии тавлидро бо фурӯкаш кардани мавҷи эпидемӣ пайванд зад.
Бар асоси муҳосиботи институти IFO агар бахше аз фаъолиятҳои тавлидӣ ва иқтисодӣ барои муддатӣ ду моҳ ғайрифаъол бимонад, мутобиқи сенарияҳои мухталиф мизони хисорат байн 255 то 495 миллиард евро хоҳад буд.
Дар беҳтарин ва хушбинонатарин сенария, иқтисоди Олмон тайи ду моҳ ба андаке камтар аз 60 дарсад ҳаҷми қаблӣ коҳиш меёбад, ва дар моҳи севвум ба наздики 80 дарсад афзоиш пайдо мекунад ва моҳи баъд ба сатҳи пеш аз шурӯъи буҳрон боз хоҳад гашт.
Бароварди муассисаи IFO ҳокӣ аз он аст, ки дар сурате, ки идомаи таваққуф бахше аз фаъолиятҳои тавлидӣ ва иқтисодӣ ба моҳи севвум кашида шавад, ин вазъият ҳазинае байн 354 то 729 миллиард евро хоҳад дошт. Дар чунин вазъият ҳаҷми иқтисоди Олмон байн 10 то наздик 21 дарсад поён меравад.
Эҳтимоли бекор мондани милионҳо коргар
Климанс Фуст ҳушдор медиҳад, ки буҳрони коруно таъсироти нохушоянде бар бозори кор ва иштиғол дар Олмон хоҳад дошт ва эҳтимол меравад ба бекории як миллиону 400 ҳазор нафар ва муваққатӣ шудани шаш миллиони коргар мунҷар шавад.
Мизони бекорӣ дар Олмон тайи 15 соли ахир ба камтар аз нисф коҳиш ёфта ва дар соли ҷорӣ бо андаке афзоиш ба нисбати сол пеш 5,3 дарсад будааст.
Кобинаи давлати эътилофӣ ба раёсати Ангело Меркел, садри аъзами Олмон барои коҳиши паёмадҳои буҳрони коруно ва кумак ба воҳидҳои тавлидӣ ва хадамоти зиёндида як бастаи ҳимоятиро ба мизони 156 миллиард доллар ба тасвиб расондааст.
Қарор аст бахше аз ин буҷа сарфи ҷуброни зиёнҳои иқтисодӣ ва кумак ба фаъолиятҳое шавад, ки аз буҳрони коруно осеб бештаре дидаанд. Интизор меравад мусаввабаи ҳайати давлат рӯзи чаҳоршанбе ба тасвиби парлумони федерол (Бундестог) бирасад ва рӯзи ҷумъа дар шӯрои федерол тасвиб шавад.
Беш аз 26 ҳазор мубтало ба коруно дар Олмон
Мутобиқи феҳристе, ки донишгоҳ амрикоии Ҷонз Ҳопкинз бар пояи омори кишварҳо мунташир мекунад, то зӯҳри душанбе 23 март 26 ҳазору 220 мубтало ба вируси коруно дар Олмон шиносоӣ шуда ва 111 нафар бар асари ибтило ба бемории COVID-19 ҷони худро аз даст додаанд.
Дар миёни кишварҳои аврупоӣ то кунун танҳо дар Итолиё ва Испониё беш аз Олмон мавридҳои ибтило ба коруно шиносои шудааст. То рӯзи душанбе шумори мубталоён дар Итолиё беш аз 56 ҳазор ва дар Испониё беш аз 33 ҳазор нафар будааст.
Шумори қурбониёни вируси коруно дар шаш кишвари аврупоӣ беш аз Олмон сабт шуда ва талафоти коруно дар Итолиё бо панҷ ҳазору 476 нафар бисёр фаротар аз кулли кушташудагон бар асар бемории COVID-19 дар Чин аст, ки макони шуйӯъи ин эпидеми шинохта мешавад.