Бархе аз тоҷирони бозорҳои шаҳрҳои мухталифи Эрон дар идомаи эътирозоти мардум дар ин кишвар мағозаҳои худро таътил карданд.
Тасвирҳои мунташиршуда дар шабакаҳои иҷтимоӣ ҳокӣ аз он аст, ки бахшҳое аз бозори Табрез, бозори бузурги Теҳрон ва дигар шаҳрҳои Эрон низ таътил аст.
Интизор меравад ин раванд дар ду рӯзи оянда низ идома дошта бошад.
Гуфтанист дар пайи ҷон бохтани Маҳсо Аминӣ, духтари ҷавони эронӣ дар 13 сентябри имсол дар боздошти “Гашти иршод” дар Теҳрон, таҷаммӯъоти эътирозии густурда дар саросари ин кишвар баргузор шуд ва ин эътирозот ҳамчунон дар дохил ва хориҷ аз Эрон идома дорад.