Як мақоми вазорати хориҷаи Иёлоти муттаҳида ба хабаргузории Рейтерз гуфт, ин вазоратхона муваққатан фурӯши таслиҳот ба бархе кишварҳои муттаҳид Амрикоро мутаваққиф кардааст. Бинобар изҳороти ӯ ин иқдом ба манзури баррасии муҷаддади ин қарордодҳо сурат гирифтааст.
Давлати Ҷо Байден, раисҷумҳури ҷадиди Амрико фурӯши таслиҳот ба бархе муттаҳидони Иёлоти муттаҳидаро ба манзури баррасии муҷаддади онҳо ба таври муваққат мутаваққиф кард. Як мақоми вазорати хориҷа рӯзи чаҳоршанбе 27 январ ин хабарро ба Рейтрз эълом кард.
Ба гуфтаи коршиносон анҷоми чунин баррасиҳои барои як давлати ҷадид марсум аст, ба вижаи он ки давлати Трмап то охирин рӯзҳои кориаш муомилоти фурӯши аслиҳаро анҷом медод, ба унвони мисол ӯ танҳо чанд соат пеш аз вуруди Байден ба Кохи сафед муомилае барои фурӯши 50 фарванд ҷангандаҳои F 35 ба унвони бахше аз тавофуқи Иброҳим (одисози равобит Исроил бо кишварҳои арабӣ) бо имзо кард.
Ба гузориши Уолт Стрит Журнол ин ҳавопаймоҳои ҷанганда ба Амороти муттаҳидаи арабӣ ва Арабистони саудӣ фурӯхта шудаанд.
Мақоми вазорати хориҷа ба Рейтерз гуфт, ин вазоратхона муваққатан иҷрои бархе қарордодҳои марбут ба фурӯши таслиҳоти дифоъӣ ва низ тиҷориро мутаваққиф карда то давлати ҷадид имкони баррасии муҷаддади онҳоро дошта бошад.
Фурӯши ҷангандаҳои F 35 бахши аслии муомилаи 23 миллиарддолларии Амрико бо Амороти муттаҳидаи арабӣ аст, ки поизи соли гузашта имзо шуд. Дар чорчӯби ин муомилаи таслиҳоти фавқулмодерни сохти корхонаи Ҷот Ҷенерол Атомик, Локҳед ва Ритон ба Амороти муттаҳида фурӯхта мешавад.
Рӯзи сешанбе мудирияти Ритон дар як конфронси телефонӣ бо сармоягузорон гуфт: “Бо тағйири давлат гирифтани муҷаввиз барои фурӯши таслиҳоти дифоъӣ ба арзиши тахмин 500 миллион доллар ба яке аз муштариён дар Ховари Миёна номуҳтамалтар шудааст.” Ӯ номе аз ин кишвари Ховари Миёна набурд.
Ба гузориши Рейтерз мақомоти Амороти муттаҳидаи арабӣ ва Арабистони саудӣ ба пурсишҳои ин хабаргузорӣ дар ин бора посух надоданд.