Ба муносибати бисту ҳафтумин солгарди таъсиси нерӯҳои мусаллаҳи Тоҷикистон бо ширкати беш аз 7 ҳазор сарбоз ва афсари Вазорати дифои ин кишвар паради низомӣ баргузор мешавад.
Тибқи иттилоъ аз расонаҳои давлатии Тоҷикистон паради низомӣ дар маҳалли Горди миллии кишвар ва бо ширкати беш аз 7 ҳазор сарбоз ва афсари Вазорати дифоъ ва дигар ниҳодҳои низомии кишвар баргузор мешавад.
23 феврал дар Тоҷикистон аз соли 1993 ба унвони Рӯзи таъсиси нерӯҳои мусаллаҳ ҷашн гирифта мешавад.
Дар ҳоли ҳозир артиши Тоҷикистон шомили нерӯҳои ҳавоӣ, падофанди ҳавоӣ, нерӯҳои заминӣ аст.
Тибқи барномаи давлат ва ниҳоди низомии Тоҷикистон, як радаи бузурги низомӣ бо мушорикати тамоми нерӯҳои мусаллаҳ ва сохторҳои қудратии кишвар дар сентябри соли 2021 ҳамзамон бо сиюмин солгарди истиқлоли Тоҷикистон баргузор хоҳад шуд.