Президенти Амрико Доналд Трамп эълон кард, ки аз 1-уми ноябр ба молу маҳсулоте, ки аз Чин ворид мешаванд, 100 дарсад боҷ мебандад. Ин тасмим пас аз он эълон шуд, ки Чин барои содироти металҳои нодир назорати сахт ҷорӣ кард.
Доналд Трамп дар саҳифаи иҷтимоии худ Truth Social навишт, ки “Иёлоти Муттаҳида ба молҳои Чин боҷҳои 100-дарсадӣ ҷорӣ хоҳад кард, бар иловаи ҳар гуна таърифаҳое, ки ҳоло пардохт мекунад”.
Трамп ҳушдор додааст, ки бо назардошти амалкарди Чин дар ин замина метавонанд таърифаҳо барвақттар аз санаи 1-уми ноябр иҷро шаванд.
ИМА ҳамчунин нақша дорад, ки шуруъ аз 1-уми ноябр ба содироти нармафзорҳои муҳим назорат ҷорӣ кунад.
Рӯзи 9-уми октябр ҳукумати Чин эълон кард, ки назорат ба содироти металҳои нодир сахттар мешавад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube