Имрӯз, 18 ноябр бо фармони Президенти Ҷумҳурии Тоҷикистон Раҳмонзода Абдуҷаббор аз вазифаи Сафири Ҷумҳурии Тоҷикистон дар Ҷумҳурии Узбекистон озод гардида, ба ҷойи ӯ Насриддин Исматулло таъин гардид.
Насриддин Исматулло то ин мақом муовини якуми вазири корҳои хориҷии Тоҷикистон буд. Ӯ 21 феврали соли 1971 дар Тоҷикистон таваллуд шуда, соҳиби рутбаи дипломатии фиристодаи фавқулода ва мухтори дараҷаи I мебошад.
Насриддин Исматулло соли 1993 Донишгоҳи аграрии Тоҷикистонро ва соли 1996 Академияи дипломатии Вазорати корҳои хориҷии Русияро хатм кардааст. Дар тӯли фаъолияти худ ӯ дар вазифаҳои муҳими дипломатӣ фаъолият намудааст.
Аз ҷумла:
- котиби дуюм ва баъдтар котиби якуми раёсатҳои гуногуни ВКХ (1996–2001);
- мудири шуъбаи СММ (2001–2004);
- сардори раёсати кишварҳои Аврупо ва Амрико (2004–2008, 2011–2012);
- котиби якуми Сафорати Тоҷикистон дар Британияи Кабир (2008–2011);
- сафир дар Австрия ва намояндаи доимӣ дар Созмонҳои байналмилалӣ дар Вена (2012–2017);
- ҳамзамон сафир дар Италия, Словакия ва Маҷористон;
- муовини вазири корҳои хориҷӣ (2017–2019);
- сафир дар Покистон (2019–2024);
- муовини якуми вазири корҳои хориҷӣ (аз январи 2024).
Насриддин Исматулло донандаи забонҳои русӣ ва англисӣ аст. Ӯ оиладор ва соҳиби ду фарзанд мебошад.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube