Абдулмаҷид Муродзиҳӣ, рӯҳонии саршиноси аҳли суннат дар Зоҳидон ва ду рӯҳонии дигар дар Сининдиҷ боздошт шуданд.
Мавлавӣ Абдулмаҷид Муродзиҳӣ, рӯҳонии саршиноси аҳли суннат дар Зоҳидон ва мушовири Мавлавӣ Абдулҳамид, асри душанбе 30 январ тавассути нерӯҳои амниятӣ боздошт шуд.
Сайти “Ҳолваш” ба нақл аз шоҳидони айнӣ бо эъломи ин хабар навишт: “Мавлавӣ Муродзиҳӣ аз як маросими хатм дар ҳоли бозгашт буд, ки чаҳор худрави нерӯҳои амниятӣ дар хиёбон ва дар масири манзилаш вайро боздошт карданд ва бо худ бурданд ва ба ҳамроҳони вай гуфта шуда аз додгоҳи вижаи рӯҳоният пайгирӣ намоед.”
Мавлавӣ Муродзиҳӣ собиқаи тадрис дар дорулуълуми Зоҳидонро дорад ва мудири интишороти “Форуқи аъзам”-и Зоҳидон ва ҳамчунин муассисаи фарҳангии пажӯҳишии Али Муртазӣ аст.
Хабаргузории ИРНО шомгоҳи душанбе ба нақл аз як “манбъаи огоҳ” боздошти ин рӯҳонии пурнуфузи аҳли суннатро таъйид карда ва навишт ӯ муттаҳам ба “ташвиши азҳони умумӣ, иртибототи мутааддид бо афрод ва расонаҳои бегона ва таҳрифи афкори умумӣ” шудааст.
Ба гузориши хабаргузории ҳуқуқи башарӣ HRFNA рӯзи душанбе ҳамчунин як ҷавони аҳли Зоҳидон ба номи Иброҳим Сифрзоӣ боздошт ва ба макони номаълуме мунтақил шудааст.