Анҷумани тавсеъаи байналмилалии Бонки Ҷаҳонӣ ба Тоҷикистон барои иҷрои як лоиҳаи барқрасонӣ дар минтақаҳои деҳотӣ беш аз 31 миллион доллар ихтисос медиҳад.
Бар асоси гузориши Вазорати молияи Тоҷикистон, ин маблағ барои таъмини дастрасии сокинони 61 деҳаи вилояти Бадахшон ва 74 деҳаи вилояти Хатлони кишвар сарф мешавад.
Бо иҷрои комили ин лоиҳа беш аз 31 ҳазору 400 сокини вилояти Хатлон ва беш аз 11 ҳазору 600 сокини вилояти Бадахшон аз неруи барқ баҳра мебаранд.
Дар чорчӯби ин лоиҳа сохти инфрасохторҳо барои тавлиди барқ аз ҷумла неругоҳҳои кӯчаки барқи обӣ, насби генераторҳои бодӣ ва панилҳои хуршедӣ, сохтмони инфрасохторҳои зиёдкунандаи барқ аз ҷумла хатҳои барқ, Трансформаторҳо, ҳисобкунаки барқ ва ғайра пешбинӣ шуда аст.
Ин лоиҳа ҳамчунин шомили кӯмакҳои фаннӣ ба ширкати “Помир энержӣ” барои сохтмони неругоҳи барқи обии “себзор” дар вилояти Бадахшон мебошад.
Давраи иҷроии лоиҳаи мазкур 5 сола буда ва қарор аст то соли 2025 ба таври комил амалӣ шавад.