Кулли кишварҳои Осиё дар таназзули иқтисоди қарор доранд.

Тибқи гузориши Бонки Осиёии Рушд бемории ҳамагири Covid-19 тамоми иқтисодҳои рӯ ба тараққии Осиёро дар 60 соли охир ба таназзул тела дод.
Бонк гузоришеро таҳлил кардааст, ки вазъи иқтисодии 45 кишвари минтақаро таҳлил кардааст. БОР тахмин мезанад, ки иқтисоди Осиё имсол 0,7 фоиз коҳиш хоҳад ёфт.
Аммо рушд дар соли 2021 дар назар аст, ки ин рақам метавонад дар баъзе кишварҳо то 6,8 фоиз афзоиш ёбад.
Бар асоси ҳисоботи Бонки Осиёии Рушд, имсол аз чор се ҳиссаи кишварҳои минтақаи Осиё дучори таназзул хоҳанд шуд. Бонки Осиёии Рушд гузоришеро дар бораи тағирот дар соли 2020 дар авоили соли ҷорӣ мунташир кард, аммо бинобар вазъи коронавирус, пешбиниҳои худро аз сари нав дида баромад. Дар гузориши нав пешбинӣ шудааст, ки афзоиши ММД минтақа дар соли 2020 ҳамагӣ 0,1 дарсад хоҳад буд.
«Интизор меравад, ки аксари иқтисодҳои минтақаи Осиё ва Уқёнуси Ором дар тӯли боқимондаи соли 2020 хеле душвор афзоиш ёбанд» гуфт Ясуюки Савада, сармутахассиси БОР.
Пешбиниҳои Бонки Осиёии Рушд мутобиқ ба рақамҳои мунташиршуда дар гузорише аст, ки дар аввали соли ҷорӣ тавассути сандуқи байналмиллалии Пул эълон шудааст.
Дар айни ҳол БОР инчунин хотиррасон мекунад, ки натиҷаҳои рушди иқтисодӣ дар соли 2021 бо иқдомоти анҷомшуда барои ҷилавгирӣ аз шуйӯи беморӣ бастагӣ хоҳад дошт.