Як мақоми олирутбаи Укроин рӯзи якшанбе маҷмӯаи иқдомоти Киев дар сурати бозпасгирии контроли Кримро ташреҳ кард, ки яке аз онҳо, барчидани пули стратегии пайвандкунандаи ин шибҳиҷазира ба Русия буд.
Бо гузашти 13 моҳ аз оғози таҳоҷуми низомии Русия ба Укроин, Алексей Данилов, дабири Шӯрои амнияти миллӣ ва дифоъи Укроин дар ҳоле ин тарҳро мунташир кард, ки артиши Укроин барои анҷоми як зидди ҳамла ба умеди дастёбӣ ба дастовардҳои нав омода мешавад.
Маскав дар соли 2014 шибҳиҷазираи Кримро ба хоки Русия илова кард, аммо бештари кишварҳои ҷаҳон онро ба расмият нашинохтанд. Вазъияти ояндаи ин шибҳиҷазира низ яке аз мавзӯъоти калидӣ дар ҳар музокирот барои поён додан ба ҷанги феълии Укроин аст.
Кремл аз Укроин мехоҳад ҳокимияти Русия бар Крим ва тамоми заминҳои ишғолиро ба унвони шарти сулҳ ба расмият бишносад аммо Киев анҷоми ҳаргуна музокираи сулҳ бо Маскавро машрут ба хурӯҷи нерӯҳои Русия аз тамоми манотиқи ишғолӣ аз ҷумла Крим кардааст.
Данилов дар чаҳорчуби ин тарҳи ҷадид эълом кард, ки пас аз озодии Крим, гумоштагони укроинии Русия, ки дар ҳоли ҳозир мансабҳои давлатиро дар Крим дар даст доранд, таҳти пайгарди қонунӣ қарор мегиранд ва бархе аз ин гумоштагон эҳтимолан ба ҷавобгарии ҷиноӣ кашида хоҳанд шуд ва дигарон низ аз ишғоли мансаб маҳрум хоҳанд шуд.
Дабири Шӯрои амнияти миллӣ ва дифоъи Укроин ҳамчунин дар фейсбуки худ навишт: “ҳамаи шаҳрвандони рус, ки аз соли 2014 ба Крим кӯчидаанд, бояд ихроҷ шаванд ва тамоми муомилоти амлок ва созишномаҳои таҳти ҳокимияти Русия лағв гардад.”
Дар бахши дигаре аз ин тарҳ, ӯ хостори барчидани пули 19 километрии васили Русия ва Крим шудааст. Ин пул пештар, дар моҳи октябр тавассути як мошини борбари бомбгузоришуда мавриди ҳамла қарор гирифта буд. Пули Крим баландтарин пули Аврупо ва символи ҳукмронии Русия ба ин шибҳиҷазира аст.
Русия бо таъмири бахши осебдидаи пул муваффақ шуд дубора ҷараёни расондани муҳимоти низомӣ ба Кримро аз сар гирад. Ин шибҳиҷазира маркази аслии истиқрори артиши Русия дар тӯли ҷанг бо нерӯҳои укроинӣ будааст.
Агарчи Маскав, иттилооти артиши Укроинро масъули ҳамла ба пули Крим медонад аммо бо ин, ки мақомоти укроинӣ дар гузашта борҳо таҳдид карда буданд, ки ба ин пул ҳамла хоҳанд кард, Киев масъулияти онро бар ӯҳда нагирифтааст.
Данилов ҳамчунин аз тағйири номи шаҳри Севастопол, ки аз қарни нуздаҳум пойгоҳи аслии новгони баҳри Сиёҳи Русия аст сӯҳбат кард. Ў гуфт, ки ин шаҳр пеш аз он, ки парлумони Укроин номи дигар бар он бигузорад, метавонад ҳадафи шумораи 6 унвон шавад. Ў номи “Ахтиёр” (Аkhtiar)-ро пешниҳод кард; “Ахтёр” номи деҳае аст, ки пеш аз Севастопол дар он маҳал қарор доштааст.
Михаил Разожов, фармондори Севастопол, ки аз ҷониби Русия таъин шудааст, бо “беморона” хондани тарҳи Данилов гуфт: “бархурди ҷиддӣ бо назарҳои афроди бемор иштибоҳ аст. Онҳо бояд дармон шаванд ва ин вазифаро артиши мо акнун анҷом медиҳад.”