Вазири хориҷаи Ҷумҳурии Исломӣ мегӯяд, ки ин кишвар мавзӯъи ҳаққи обро аз масири ҳуқуқӣ ва сиёсӣ дар дастури кор дорад ва онро думбол мекунад. Ҳусайн Амир Абдуллоҳиён гуфта Толибон бо Козими Кумӣ, сарпарасти сафорати Эрон дар Кобул музокироте дошта ва дар ҳоли расидан ба натоиҷи хубе ҳастанд.
Ӯ дар мусоҳибае, ки рӯзи панҷшанбе (1 июн) дар канали телеграмии хабаргузории “Форс” мунташир шуда, мегӯяд, ки пас аз он ки натоиҷи музокирот бо Толибон абъоди равшане пайдо кард, ҷузъиётро эълом хоҳанд кард.
Ба думболи таҳдиди Иброҳим Раисӣ, раисҷумҳури Эрон барои ҳаққи об, Толибон эълом карданд, ки ба муоҳидаи ҳаққи об мутааҳҳиданд, аммо оби кофӣ вуҷуд надорад, ки ба Эрон расад.
Вазорати хориҷаи Эрон гуфта буд, ки бояд бозрасони Ҷумҳурии Исломӣ ба Афғонистон сафар кунанд то камбуди об таъйид шавад.
Шермуҳаммад Аббос Станакзай, муовини вазорати хориҷаи Толибон аммо ба Афғонистон Интернешнл гуфтааст, ки ин гурӯҳ ба мақомҳои Ҷумҳурии Исломии Эрон иҷоза намедиҳад аз сади Каҷаки дидан кунанд.
Бо ин ҳол вазири хориҷаи Эрон аз пешрафт дар музокирот хабар дода ва гуфтааст, ки Ҳасан Козими Қуми мавзӯъи ҳаққи обро дар Афғонистон думбол мекунад.
Ҳусайн Амир Абдуллоҳиён дар мавриди даргирии марзии ахири Ҷумҳурии Исломӣ ва Толибон дар нимаруз ҳам гуфт, ки ин гурӯҳ ба сароҳат эълом карданд, ки дар “ин даргириҳо ҳеҷ барномаи ҳадафмандеро пушти сари худ надоштаанд.” Ӯ афзуд: “барои мо шароит дар Афғонистони қобил дарк аст.”
Дар ин даргирӣ, ки рӯзи шанбе 27 май рух дод ду низомии Эрон ва як узви Толибон кушта шуданд.