Як муҳоҷири тоҷикро дар Русия қатораи барқӣ зада куштааст.
Дар шабакаи Ютуб наворе нашр шуд, ки дар он дида мешавад, шоҳидони ҳодиса мегӯянд, нафари кушташуда тоҷик аст. Ба гуфтаи онҳо ӯро аз рӯи релсҳо боло овардаанд.
Зоҳиран касе шоҳиди марги муҳоҷири тоҷик набудааст, чун аз ҳарфҳои чанд нафаре, ки онҷо қарор доранд, бармеояд, ки онҳо дертар ба ҷои ҳодиса расидаанд.
Дида мешавад, алакай кормандони ёрии таъҷилӣ дар атрофи ӯ гаштугузор мекунанд ва амалиёти тиббӣ мегузаронанд.
Ҳодиса дар шаҳраки Кокошкинаи ноҳияи Одинсовои вилояти Маскав рух додааст, аммо дар бораи шахсияти мақтул маълумоте гуфта нашудааст. Дар ҳолати пайдо шудани маълумоти бештар, инҷо нашр хоҳем кард.
Касоне, ки табъи нозук доранд, ин наворро тамошо накунанд. Чун дар навор ҳолатҳои ба ваҳшатоваранда нишон дода шудааст.