Арзиши ширкати нафтии давлатии Арабистони саудӣ Aramko ба 2.05 триллион доллар сууд кард.
Арзиши ширкати нафтии давлатии Арабистони саудӣ Aramko дар дувумин рӯзи оғози кор дар бозори бурси ин кишвар ба беш аз 2 триллион доллар расид.
Арзиши саҳоми ин ширкат дар соати 14:24 дақиқаи субҳи имрӯз ба вақти Душанбе нисбат ба рӯзи гузашта 9.9 дарсад афзоиш ёфта ва ба 10.32 доллар сууд кард. Бад-ин тартиб арзиши ширкати ба 2.05 трилион доллар рушд кард.
Тибқи додаҳои тадовули саҳоми ин ширкат, ки бо 8.53 доллар фурӯш оғоз шуд рӯзи гузашта 10 дарсад рушд карда ва ба 9.39 доллар афзоиш ёфт. Дирӯз арзиши “Aramko” 1.87 триллион доллар шуд.
Гуфтанист ширкати нафти давлати Арабистони саудӣ Aramko пештар эълом кард, ки якуним дарсад аз саҳоми худ ба арзиши ҳудуди 25 миллиард доллари Амрикоро вориди бурс мекунад. Ин ширкати нафтӣ қасд дорад дар маҷмӯъ 3 миллиард саҳомро бо қимати мутавассит 30 то 32 риёл Арабистон (8 то 8.53 доллар) ба фурӯш бигузорад.
Интизор меравад Арабистони саудӣ аз арзаи саҳоми “Aramko” ҳадди ақал 24 миллиард ва ҳадди аксар 25.9 миллиард доллар касб кунад.
Муҳаммад ибни Салмон, валиаҳди Арабистони саудӣ дар соли 2016 дар хусуси чашмандози 2030-и ин кишвар эълом карда буд, ки бо фурӯши ду дарсад аз саҳоми “Aramko” даромади муодили 100 миллиард доллар касб карда ва арзиши ин ширкат ба 2 триллион доллар хоҳад расид.