Укроин аз ҳамалоти тӯпхонаии муваффақиятомез дар минтақаи Херсон хабар дод. Гуфта шуд, ки ҳадди ақал 30 сарбози чеченӣ кушта ва беш аз 100 тан аз онҳо зери вайронаҳо дафн шудаанд. Зеленский аз Олмон барои таҷҳизоти низомии ирсолӣ қадрдонӣ кард.
Ба гуфтаи манобеъи укроинӣ, нерӯҳои ин кишвар беш аз 100 сарбоз аз ҷумҳурии Чеченистонро дар минтақаи Херсон зери ҳамалоти сангини тӯпхона гирифтанд. Ситоди кулли артиши Укроин дар гузориши худ эълом кард: “ҳамалоти тӯпхонаии дақиқи нерӯҳои дифоъӣ боиси кушта шудани 30 нафар аз ишғолгарон дар рустои Кочири дар минтақаи Херсон шуд ва беш аз 100 сарбози душман зери вайронаҳо дафн шуданд.”
Владимир Зеленский, раисҷумҳури Укроин дар видеое аз кумакҳои низомии Олмон қадрдонӣ кард. Ба гуфтаи ӯ системи дифоъи ҳавоии Олмон бисёр коромад аст. Зеленский ҳамчунин аз Олаф Шолтс, садриаъзами Олмон ва Урсула фон дер Ляйен, раиси Шӯрои Иттиҳодияи Аврупо барои конфронси кумак ба Укроин дар Берлин тамҷид кард.
Қодиров мехоҳад шаҳрҳои Укроинро аз харитаи замин пок кунад
Фармондори низомии Укроин дар минтақаи Херсон, гуфтааст, ки пас аз хурӯҷи ягони чеченӣ аз шаҳри Херсон дар канори дарёи Днепро, онҳо дар мактабҳое дар сӯи дигари дарё мустақар шуданд. Ин афрод бо пост кардани аксҳое дар шабакаҳои иҷтимоӣ маҳали сукунати худро фош карданд ва коре, ки нерӯҳои Укроин бояд анҷом медоданд ин буд, ки он маҳалро нишона бигиранд. Фармондори низомии Херсон аз 40 кушта ва 60 мадфун хабар додааст.
Каналтелеграми опозитсионти Чеченистон 1-ABAT гуфтааст, ки мақари як ҳанги (полк) Қодиров, ки дар як мактаб мустақар буд, мавриди исобати гулӯла қарор гирифт ва теъдоди кушта шудагонро ҳудуди 100 нафар эълом кард. Рамазон Қодиров, раисҷумҳури Чеченистон дар мавриде ин ҳодиса изҳори назаре накард, аммо аз “аъмалкарди заиф”-и Русия дар ҷанг интиқод кард ва гуфт Укроин бояд бо хок яксон шавад.