Ба назар мерасад сафари Илҳом Алиев ба Тоҷикистон ҳосили чандоне надошт. Созишномаву ёддоштиҳои имзошуда нишон медиҳанд, ки ин ҳуҷҷатҳо ташрифотӣ буда, танҳо ба хотири расмият ва таблиғоти матбуотӣ имзо шудаанд ва дар гумон аст дар ояндаи наздик иҷро шаванд. Ҳатто дар сурати иҷро шуданашон ҳам бо дарназардоти равобити бисёр ночизи иқтисодиву сиёсии ду кишвар, камтар таъсире ба он хоҳанд дошт.
Дирӯз, 5 апрел, тибқи иттилоъи давтари матбуотии раисҷумҳур, пас аз дидору музокироти сатҳи олии Тоҷикистону Озарбойҷон маросими имзои санадҳои нави ҳамкорӣ баргузор шуд. Дар ҳузури ду раисҷумҳур Эмомалӣ Раҳмон ва Илҳом Алиев 14 санади нави ҳамкорӣ ба имзо расид;
— Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Озарбойҷон оид ба ҳамкорӣ дар соҳаи геодезия, харитасозӣ, заминсозӣ, кадастр ва мушоҳидаи фосилавии замин;
— Созишнома оид ба ҳамкорӣ байни Вазорати корҳои дохилии Ҷумҳурии Тоҷикистон ва Вазорати корҳои дохилии Ҷумҳурии Озарбойҷон;
— Протокол байни Хадамоти гумруки назди Ҳукумати Ҷумҳурии Тоҷикистон ва Кумитаи гумруки Ҷумҳурии Озарбойҷон оид ба ташкили табодули пешакии иттилоъ доир ба молҳо ва воситаҳои нақлиёт, ки байни Ҷумҳурии Тоҷикистон ва Ҷумҳуриии Озарбойҷон интиқол меёбанд;
— Ёддошти тафоҳум байни Департаменти мониторинги молиявии назди Бонки миллии Тоҷикистон ва Хадамоти мониторинги молиявии Ҷумҳурии Озарбойҷон оид ба хамкорӣ дар соҳаи мубодилаи иттилооти кашшофии молиявӣ вобаста ба қонунигардонӣ (расмикунонӣ)-и даромадҳои бо роҳи ҷиноят бадастоварда, ҷиноятҳои асосӣ (предикатӣ) ва маблағгузории терроризм;
— Барномаи чорабиниҳо оид ба ҳамкории иқтисодӣ байни Ҳукумати Ҷумҳурии Тоҷикистон ва Ҳукумати Ҷумҳурии Озарбойҷон то соли 2025;
— Харитаи роҳ оид ба таҳкими ҳамкорӣ байни Вазорати кишоварзии Ҷумҳурии Тоҷикистон ва Вазорати кишоварзии Ҷумҳурии Озарбойҷон барои солҳои 2023-2024;
— Барномаи ҳамкорӣ байни вазоратҳои корҳои хориҷии Тоҷикистон ва Озарбойҷон барои солҳои 2023-2024;
— Ёддошти тафоҳум оид ба ҳамкорӣ дар соҳаи фарҳанг байни Вазорати фарҳанги Ҷумҳурии Тоҷикистон ва Вазорати фарҳанги Ҷумҳурии Озарбойҷон;
— Ёддошти тафоҳум байни Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Вазорати иқтисоди Ҷумҳурии Озарбойҷон дар соҳаи сармоягузорӣ, пешбурди стартапҳо ва соҳибкорӣ;
— Ёддошти тафоҳум байни Кумитаи рушди сайёҳии назди Ҳукумати Ҷумҳурии Тоҷикистон ва Агентии давлатии сайёҳии Ҷумҳурии Озарбойҷон оид ба ҳамкорӣ дар соҳаи сайёҳӣ;
— Ёддошти тафоҳум оид ба ҳамкорӣ байни Бонки миллии Тоҷикистон ва Бонки марказии Ҷумҳурии Озарбойҷон;
— Ёддошти тафоҳум байни Корхонаи воҳиди давлатии “Тоҷинвест”-и назди Кумитаи давлатии сармоягузорӣ ва идораи амволи давлатии Ҷумҳурии Тоҷикистон ва Агентии ташвиқи содирот ва сармояи Ҷумҳурии Озарбойҷон;
— Протокол оид ба барқарор намудани равобити бародаршаҳрӣ байни шаҳри Исфараи Ҷумҳурии Тоҷикистон ва шаҳри Шушаи Ҷумҳурии Озарбойҷон;
— Ёддошти тафоҳум байни Палатаи савдо ва саноати Ҷумҳурии Тоҷикистон ва Агентии соҳибкории хурд ва миёнаи Ҷумҳурии Озарбойҷон.
Дар ҳамин ҳол, баъди анҷоми маросими имзои санадҳои нави ҳамкорӣ Раҳмон Алиев дар нишасти матбуотии муштарак натиҷаҳои дидору музокиротро “неку назаррас” арзёбӣ намуданд.