Зиддиҳамлаи нерӯҳои укроинӣ алайҳи ишғолгарон мутобиқи интизор пеш намеравад. Яке аз иллатҳои аслии он бартарии ҳавоии Русия аст. Русия пас аз як таваққуфи дуҳафтаина бори дигар шаҳри Киевро бо даҳҳо паҳпод ҳадаф қарор дод.
Зиддиҳамлаи нерӯҳои укроинӣ барои ақиб рондани ишғолгарони русӣ ва бозпас гирифтани манотиқи ишғолӣ, ба хусус дар ҷанубу шарқи Укроин аз муддате пеш оғоз шуда аммо он гуна, ки умед мерафт пеш намеравад.
Вазири хориҷаи Укроин мегӯяд, дар кундии пешравии нируҳои укроинӣ дар манотиқи ишғолӣ иллатҳои мухталифе вуҷуд дорад, ки сетои онҳо мушкилофаринтар ҳастанд.
Дмитрий Кулеба дар гуфтугӯе, ки якшанбе, дувум июл мунташир шуд бартарии нерӯи ҳавоии Русияро яке аз се чолиши аслии зиддиҳамлаҳои ахир унвон кард.
Вазири хориҷаи Укроин дар мусоҳиба бо нашриёти бунгоҳи интишоротии “Шпрингер”-и Олмон гуфтааст, нерӯи ҳавоии Русия бо кумаки ҷангандаҳо ва болгардҳои таҳоҷумӣ тавониста тавони размии зидди ҳамлаҳои нерӯҳои укроиниро тазъиф кунад.
Ба гуфтаи Кулеба гузаштан аз манотиқи башиддат мингузоришуда тавассути нерӯҳои русӣ ва хутути дифоъии мустаҳкам ва фишурдаи онҳо чолиши аслии дигар аст, ки кори пешравиро душвор мекунад.
Кулеба афзудааст, севумин чолиши муҳим ин аст, ки нерӯҳои мусаллаҳи Укроин бо камбуди сомонаҳои дифоъии зиддиҳавоӣ рӯ ба рӯ ҳастанд.
Мингузории шадиди манотиқи ишғолӣ
Хабаргузории Олмон ба нақл аз Кулеба навишт, нерӯҳои укроинӣ гоҳе маҷбуранд як масири 200 то 300 метриро тай як рӯз ба душвории минрубӣ кунанд то роҳ барои пешравии сарбозон омода шавад.
Таҷовузи низомиёни русӣ ба хоки Укроин 24 феврали соли гузашта оғоз шуд ва ишғоли манотиқи васеъ аз шарқу ҷануби ин кишвар дар рӯзҳо ва ҳафтаҳои нахустро дар пай дошт.
Дар беш аз як солу чаҳор моҳи гузашта нерӯҳои русӣ дар манотиқи ишғолии ҳассос хутути дифоъии мустаҳкаме бо бетон, фӯлод ва масолеҳи дигар сохтаанд, ки гузаштан аз онҳо ба содагӣ мумкин нест.
Кишварҳои ғарбии муттаҳиди Укроин чанд моҳ пас аз оғози таҷовузи низомии Русия рафта-рафта ба дархостҳои Киев барои дарёфти таслиҳот ва муҳиммот посухи мусбат доданд ва бо таваҷҷуҳ ба афзоиши қобили мулоҳизаи ин кумакҳо дар моҳҳои ахир кундии пешрафти зиддиҳамла бо интиқодҳое рӯ ба рӯ шудааст.
Дар интизори дарёфти ҷангандаҳои ғарбӣ
Киев аз муддатҳо пеш хостори дарёфти ҷангандаҳои пешрафта аз ҳомиёни ғарбии худ буд, ки мувофиқат бо он пас аз моҳҳо ройзанӣ ва музокира ҳудуди ду моҳ пеш анҷом шуд.
Вазири хориҷаи Укроин дар мусоҳиба бо нашриёти бунгоҳи интишоротии “Шпрингер” зимни ишора ба ин масъала мегӯяд, агар тасмим дар бораи ирсоли ҷангандаҳо ҳашт моҳ пеш гирифта мешуд онҳо акнун дар ихтиёри артиши ин кишвар буданд ва мувозинати қудрат ба гунаи дигаре буд.
Яке аз нигарониҳои кишварҳои ғарбӣ истифодаи эҳтимолии Укроин аз таслиҳоти дурбурд ва ҷангандаҳои пешрафта барои ҳамла ба аҳдофе дар дохили хоки Русия аст, ки метавонад ба маънои табдили онҳо ба яке аз тарафҳои ҷанг бо Маскав талаққӣ шавад.
Кулеба бо ишора ба ин, ки Киев аз нахустин рӯзи таҷовузи низомии Русия хостори тасреъи ирсоли ҷангандаҳои ғарбӣ шуда таъкид кард, “тардиде нест, ки аз ин ҷангандаҳо фақат дар ҳарими ҳавоии Укроин истифода мешавад”.
Вазири хориҷаи Укроин дар вокуниш ба интиқодҳо аз кундии пешрафти зиддиҳамла алайҳи нерӯҳои русӣ хитоб ба мунтақидон гуфт: “биёед ин ҷо ва фақат талош кунед даҳ қадам пеш равед бе ин, ки кушта шавед.”
Ӯ дар айни ҳол нисбат ба пирӯзӣ алайҳи мутаҷовизони русӣ ибрози итминон кард ва афзуд, ҳар рӯз шоҳиди муваффақиятҳои ҷадиди нерӯҳои укроиниӣ аст ва далеле намебинад зидди ҳамла муваффақиятомез набошад.
Владимир Зеленский, раисҷумҳури Укроин ба тозагӣ таъкид кард, ки нерӯҳои укроинӣ дар манотиқи шарқӣ ва ҷанубӣ дар ҳоли пешравӣ ҳастанд ва тақвияти нерӯҳои тӯпхона дар ин ҷабҳаҳо “ба таври ошкор авлавият дорад”.
Дар ҳамин ҳол нерӯи ҳавоии артиши Русия пас аз як таваққуфи ҳудуди дуҳафтаӣ бори дигар шомгоҳи шанбе бо даҳҳо паҳподи таҳоҷумӣ пойтахти Укроинро ҳадаф қарор дод.
Сергей Пупако, фармондеҳи низомии Киев дар каналтелеграми худ навишт, сомонаҳои падофанди ҳавоии пойтахт тамоми паҳподҳои таҳоҷумиро раҳгирӣ ва мунҳадим кардаанд.
Ба гузориши хабаргузории Рейтерз шаби гузашта садои инфиҷорҳое дар Киев ба гӯш расида, ки шабеҳи садои инфиҷори мушакҳои зиддиҳавоӣ будааст.
Ба гуфтаи Пупако дар бораи хисоратҳо ва талафоти эҳтимолии ҳамлаи паҳподии шаби шанбе гузорише дарёфт нашудааст. Русия низ то кунун дар бораи ин ҳамлаҳо иттилооте мунташир накардааст.
Ҳамлаи ҳавоии шадиди қаблии Русия ба Укроин шомгоҳи бистуми июн рух дод ва тайи он пойтахт ва шаҳри Лвов дар 70 километрии марзи Лаҳистон ҳадаф қарор гирифтанд.
Он замон манобеъи укроинӣ эълом карданд ки 30 паҳпод дар ҳамла ба ин ду шаҳр мушорикат доштанд, ки 28 фурванди онҳо раҳгирӣ ва мунҳадим шуданд.
Гила аз кундии омӯзиши халабонони Укроин
Бо таваҷҷуҳ ба нақши бартарии ҳавоии Русия дар муқобила бо зиддиҳамлаи нерӯҳои укроинӣ, Киев беш аз пеш хостори суръат бахшидани омӯзиши халабонони укроинӣ барои парвоз бо ҷангандаҳои ғарбӣ ба хусус ҳавопаймоҳои ҷангии сохти Иёлоти Муттаҳида аст.
Зеленский рӯзи шанбе дар дидор бо Падаро Сонч, нахуствазири Испания дар Киев гила кард, ки омӯзиши халабонони укроинӣ ба кунадӣ пеш меравад.
Шуморе аз ҳомиёни аврупоии Укроин моҳи май эълом карданд барои таҳвили ҷангандаҳои пешрафта ба Киев эътилофе ташкил додаанд ва Амрико барои ирсоли ҷангандаҳои F-16 чароғи сабз нишон дод.
То кунун ба таври расмӣ иттилооте дар бораи ҷузъиёт ва замонбандии омӯзиши халабонони укроинӣ тавассути ҳампаймонони аврупоии Киев мунташир нашудааст.