Дар ҳоле, ки давлати Лубнон дар баробари иддаои Исроил мабнӣ бар сохти пойгоҳи ҳавоӣ тавассути Эрон ва Ҳизбуллоҳ дар марзҳои ҷануби Лубнон сукут карда, Ҳизбуллоҳ эълом кард, ки дар ин хусус тавзеҳе ироа намекунад.
Йоав Галант, вазири дифоъи Исроил дар 11 сентябр муддаӣ шуд, ки Эрон дар ҳоли омода шудан барои таъсиси як пойгоҳи ҳавоӣ дар Лубнон дар наздикии марзи Исроил аст.
Галант ҳамчунин тасовири моҳворае аз ин пойгоҳро ба иштирок гузошт.
Ба думболи Исроил, хабаргузории Ассошиейтед Пресс низ тасовири моҳворае аз минтақаи мазкурро нашр кард.
Дар ҳоле, ки давлати Лубнон дар баробари иддаои Исроил мабнӣ бар сохти пойгоҳи ҳавоӣ тавассути Эрон ва Ҳизбуллоҳ дар марзҳои ҷанубии Лубнон сукут карда, Ҳизбуллоҳ эълом кард, ки дар ин хусус тавзеҳе ироа намекунад ва иҷозаи вуруд ба ин минтақаро нахоҳад дод.
Пойгоҳи ҳавоии мазкур дар наздикии рустои Биркат Ҷабур ва шаҳри Ҷазин дар ҷануби Лубнон қарор дорад.
Биркат Ҷабур, ки дар забони арабӣ ба маънои кӯли маснуӣ аст, пештар тавассути кишоварзон дар минтақаи кӯҳистонӣ барои таҳияи об истифода мешуд.
Пас аз хурӯҷи Исроил аз минтақа дар соли 2000, ин минтақа тавассути Ҳизбуллоҳ “минтақаи низомӣ” эълом шуд.
Ҳизбуллоҳ дар таърихи 21 май як размоиши низомӣ дар наздикии рустои Армати дар ҳудуди 2 километрии пойгоҳи ҳавоӣ анҷом дод.
Дар ин размоиш, ки матбуот низ ба он даъват шуда буданд, хабарнигорон ва мардум барои аввалин бор вориди ин “минтақаи низомӣ” шуданд.
Гада Айюб, муовини ҳизби масеҳии нерӯҳои лубнонӣ дар гуфтугӯ бо Анадолу изҳор доштааст, ки “пас аз изҳороти вазири дифоъи Исроил аз сохти чунин пойгоҳе дар минтақа матлаъ шудем; Ҳеҷ кас наметавонд вориди ин минтақа шавад”.
Вай афзуд: “намедонем он ҷо чӣ хабар аст; Танҳо чизе, ки медонем ин минтақаи низомӣ мутааллиқ ба Ҳизбуллоҳ аст”.
Айюб тасреҳ кард: аз давлат интизор дорем дар ин хусус тавзеҳ диҳад, иттиҳомоти Исроил бояд такзиб ё дар сурати сиҳат, иқдоме алайҳи он сурат бигирад.
Раъно Соҳилӣ, масъули расонаии ҷунбиши Ҳизбуллоҳ дар бораи ин иддаои Исроил ба Анадолу гуфт: ҳеҷ изҳори назаре дар ин маврид намекунем.
Вай дар посух ба дархости хабарнигори Анадолу барои боздид аз минтақа изҳор дошт: ҳеҷ кас наметавонд вориди он ҷо шавад.