Дар нимсолаи аввали соли 2025 дар Тоҷикистон истеҳсоли моҳӣ ба беш аз 2 000 тонна расид, ки нисбат ба ҳамин давраи соли гузашта 12% зиёдтар мебошад. Маблағи умумии моҳии сайдшуда ба 61,2 млн сомонӣ расида, 19,6% афзоиш дошт.
Бино ба маълумоти Агентии омори назди Президенти Тоҷикистон, қисми асосии истеҳсол дар обанборҳои вилояти Хатлон сурат гирифтааст. Аксари хоҷагиҳои моҳипарварӣ низ дар ҳамин минтақа фаъолият мекунанд. Қисми истеҳсолӣ дар дигар минтақаҳо: вилояти Суғд – 481 тонна ва Ваҳдат (НТМ) – 426 тонна аст.
Афзоиши истеҳсол асосан ба зиёд шудани шумораи хоҷагиҳои моҳипарварӣ ва ҷорӣ шудани технологияҳои нави соҳа марбут аст.
Ба андешаи коршиносон, баланд бардоштани маҳсулнокӣ ва беҳбуди инфрасохтор метавонад истеҳсолро 20-30% зиёд ва хароҷотро коҳиш диҳад.
Навъҳои асосии моҳӣ:
- пешониғафси сафед (толстолобик): 690 тонна;
- амури сафед: 236 тонна;
- зағорамоҳӣ (сазан) ва дигар навъҳо: 447 тонна;
- гулмоҳӣ: 41 тонна.
Ҳоло дар кишвар зиёда аз 300 хоҷагии моҳипарварӣ фаъолият мекунанд.
Пешгӯиҳо дар истеҳсол:
- соли 2026: 6 600 тонна (8% афзоиш);
- соли 2027: 7 200 тонна (9% афзоиш);
- соли 2028: 7 800 тонна (9,2% афзоиш).
Захираҳо ва истифодаи ҳавзҳо:
- кӯлҳои табиӣ: 1 300;
- обанборҳо: 8;
- ҳавзҳои хоҷагиҳо: 385.
- масоҳати умумӣ: 76 000 гектар (обанборҳо – 73,3 ҳазор га, ҳавзҳои моҳипарварӣ – 2,6 ҳазор га)
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube