Раёсати умури дохилии Душанбе рӯзи 1-уми сентябр хабар дод, ки Шокир Холдоров, ронандаи мошини “Хундай” “дар ҳолати мастӣ боздошт шуд.” Назари наздикон ва худи ӯ маълум нест. Мақомот ҳеч ишорае ба мансаби ӯ ҳеч ишорае накардаанд ва рӯшан нест, ки ӯ куҷо кор мекунад.
Додгоҳи ноҳияи Сино Шокир Холдоровро беш аз 22 ҳазор сомонӣ ҷарима баста ва ба 15 рӯзи ҳабс маҳкум кардааст. Номи ин фард моҳи октябри соли 2017 сари забонҳо шуд, чун ӯ вориди масҷиди деҳаи Меҳрободи ноҳияи Рӯдакӣ шуда, намозгузоронро дашномҳои қабеҳ мекунад.
Ӯ дар видеое, ки нашр шуда буд, иддао мекард, ки ин масҷиди деҳа ғайриқонунӣ аст ва сокинон бо вуҷуди манъи ибодат, дар онҷо намоз мегузоранд. Мақомот он замон гуфтанд, ки Холдоровро ҷарима баста, танбеҳ додаанд, вале ба кораш идома медиҳад.