19 октябр дар шаҳри Душанбе бо ташаббуси Вазорати кишоварзӣ ва дастгирии мақомоти давлатӣ ҷашни Меҳргон ва Рӯзи кишоварзон таҷлил мегардад.
Тибқи иттилои маркази матбуоти Вазорати кишоварзӣ, чорабинӣ дар Боғи ба номи А.Фирдавсӣ баргузор шуда, дар доираи он як қатор фестивалу намоишҳо доир мегарданд.
Аз ҷумла:
🍯Фестивали занбӯрпарварон бо намоиш ва фурӯши асал,
🍏🍇Иди себ ва ангур,
🌾Оши палав бо намоиш ва фурӯши шолӣ ва биринҷ,
🍉Иди тарбуз, харбуза ва каду.
Ҳадаф аз баргузории ин чорабинӣ – қадршиносии заҳмати деҳқонону кишоварзон, муаррифии маҳсулоти ватанӣ ва дастовардҳои соҳаи кишоварзӣ арзёбӣ мешавад. Дар ҷараёни ин чорабинӣ пешқадамони соҳа ва ташкилотҳои фаъол аз ҷониби Вазорати кишоварзӣ қадрдонӣ мегарданд.
Барои болидаруҳии меҳмонон ва иштирокчиён барномаҳои фарҳангию фароғатӣ низ пешбинӣ шудаанд.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube