Мушовири президенти Русия Юрий Ушаков тафсилоти суҳбати телефонии Доналд Трамп ва Владимир Путинро шарҳ дод. Дар ин бора “РИА Новости” хабар додааст.
Нуктаҳои муҳимтарини суҳбати онҳо чунин аст:
- Путин Трампро бо ба эътидол омадани вазъ дар навори Ғазза табрик кард;
- Путин мавқеи Русияро оид ба ҳалли мушкилоти Шарқи Наздик баён намуд;
- Трамп дар суҳбат бо Путин зарурати ҳарчи зудтар расидан ба сулҳ дар Украина ва душвортарин будани ин низоъро таъкид кард;
- Путин дар суҳбат бо Трамп талошҳои бонуи аввали ИМА-ро барои бозгардонидани кӯдакони рус ва укроин ба оилаҳояшон баланд арзёбӣ намуд;
- Путин ба Трамп гуфт, ки мушакҳои “Томаҳавк” вазъро дар ҷабҳа тағйир намедиҳанд, аммо ба муносибатҳои Русияву ИМА ва раванди сулҳи Украина зарар мерасонанд;
- Омодагӣ ба нишасти Русия ва ИМА аз суҳбати телефонии Лавров ва Рубио оғоз меёбад;
- Будапешт ҳамчун ҷойи баргузории вохӯрӣ аз ҷониби Трамп пешниҳод шуд ва Путин онро ҷонибдорӣ кард;
- Суҳбати Путин бо Трамп бо ташаббуси ҷониби Русия баргузор гардид.
Pressa.tj Бохабар аз гапи ҷаҳон бош!
Моро пайгири намоед Telegram, Facebook, Instagram, YouTube