Як мақоми маҳаллӣ дар ҳаволи Маскав мегӯяд паҳподе, ки рӯзи сешанбе дар ҳудуди 100 километрии пойтахт суқут кард, ба думболи ҳамла ба таъсисоти зербинои Русия будааст. Соате пеш аз он, мақомоти низомии Русия аз ҳадаф қарор додани “паҳподҳои укроинӣ” дар ҷануби Русия хабар дода буданд аммо давлати Укроин ҳеҷ ҳамлаи паҳподӣ дар дохили хоки Русияро бар ӯҳда нагирифтааст.
Газпром, ғӯли санъати энержии Русия дар ин минтақа, дар деҳаи Губастая, ки ҳудуди 100 километрии Маскав аст, таъсисоти тавлиди энержӣ дорад. Бо ин ҳол, Газпром ба расонаи давлатии “РИА новости”-и Русия хабар додааст, ки фаъолият дар таъсисоти минтақаи Коломнат ин ширкат дучори халал ва осебе нашудааст.
Рузи сешанбе — 28 феврал — Андрей Воробей, фармондори маҳаллии ноҳияи Коломна дар каналтелеграми худ муддаӣ шуд, ки ҳадафи паҳподи суқуткарда “эҳтимолан таъсисоти зербиноӣ ва ғайринизомӣ буда, ки албатта осебе ба онҳо ворид нашуда”-аст.
Ӯ дар ин пости телеграмӣ афзудааст: “ҳеҷ талафоти ҷонӣ ё хисорате гузориш нашуда ва тимҳои таҳқиқотии ФСБ (Созмони иттилооти Русия) ва дигар ниҳодҳои дахлдор дар ҳоли анҷоми таҳқиқоти майдонӣ ҳастанд”.
Тасовире, ки расонаҳои русӣ нашр кардаанд як паҳподи осебдидаро минтақаи пурдарахт ва пӯшида аз барф нишон медиҳанд. Манотиқи атрофи таъсисоти Газпром ҳам пӯшиши гиёҳии мушобеҳи он чи дар аксҳо дида мешавад дорад.
Аз зоҳири он чи дар акс мушоҳида мешавад, паҳподи суқуткарда мушаххасоте монанди паҳподи UJ Airborne22 дорад, ки маҳсули ширкати таслиҳотсозии Укрҷети (Ukrjet) Укроин аст.
Корхонаи созандаи ин навъи паҳподҳо мегӯяд ин модели қобилияти парвоз то умқи 800 километрро дорад — масофате, ки барои расидан ба ноҳияи Коломна кофӣ аст.
Баррасии фаннии акси мунташиршуда аз сӯи расонаҳои русӣ, аз ҷумла мӯшикофӣ дар бораи собиқаи интишори ин аксҳо ҳам баёнгари ин аст, ки ин тасовир тоза аст.
Антон Герашенко, мушовири вазорати кишвари Укроин дар Твиттер тасвире аз ин паҳпод мунташир карда ва дар шарҳи он навиштааст: “ин (минтақа) беш аз 500 километр бо марзи Укроин фосила дорад. Ба зудӣ Путин бояд аз зоҳир шудан дар назарҳои умумӣ бисёр нигарон шавад чаро, ки паҳподҳо то осмони он ҷо метавонанд бираванд”.
Агар нерӯи ҳавоии Укроин ҳидояткунандаи паҳподе, ки дар минтақаи Коломна 100 километрии Маскав суқуткарда бошад, ин амиқтарин ҳамлаи паҳподии Укроин ва наздиктарини онҳо ба Маскав аз замони оғози ҳамлаи низомии Русия ба ин кишвар хоҳад буд.
Вазорати дифоъи Русия соате қабл аз изҳороти фармондори минтақаи Коломна, аз ҳадаф қарор додани паҳподҳо хабар дода буд ва Укроинро масъули ин ҳамалот дониста буд, ки ба гуфтаи Вазорати дифоъи Русия ҳадафи онҳо “ҳамла ба таъсисоти зербиноӣ ва ғайринизомӣ дар минтақаи Краснодар ва ҷумҳурии Адигея” будааст.
Вазорати дифоъи Русия муддаӣ шуда, ки ин паҳподҳо тавассути “воҳидҳои таслиҳоти электироникӣ”-и артиши Русия соқит шудаанд.
Маскав пештар ҳам Укроинро муттаҳам ба ҳамла ба таъсисоти зербиноии артиши Русия карда буд аммо Укроин чунин иддаоеро такзиб ва анҷоми чунин ҳамалотеро таъйид накард.
Ба гуфтаи Русия, ҳамалоти паҳподии моҳи декабри гузашта ба пойгоҳи ҳавоии бомбафканҳои русӣ дар ҷануби ин кишвар, 3 кушта бар ҷо гузошт.
Укроин расман чунин ҳамалотеро бар гардан нагирифт аммо сухангӯи артиши Укроин гуфт, ки ин инфиҷорҳо натиҷаи ҳузури нерӯҳои низомии Русия дар хоки Укроин аст.
Ҳамин чанд ҳафта пеш ҳам Русия як бори дигар Укроинро муттаҳам ба анҷоми ҳамлаи ҳавоии дигаре ба ин пойгоҳи низомӣ кард. Пойгоҳе, ки ошёнаи бомбафканҳои русӣ аст, ки дар амалиётҳои ҳавоӣ алайҳи Укроин ба кор гирифта мешаванд.
Дар моҳи августи соли гузашта ҳам инфиҷорҳои зиёд дар минтақаи нимҷазираи Крим, пойгоҳҳои низомии Русияро ҳадаф қарор дод. Пойгоҳҳое, ки Русия пас аз ишғоли Крим ва илова кардани он ба хоки худ дар он ҷо эҷод кардааст. Укроин масъулияти он ҳамалотро бар уҳда гирифт. Укроин ва муттаҳидони ғарбии ин кишвар ҳеҷ гоҳ пайвастани Крим ба Русияро ба расмият нишнохтанд ва ҳамчунон онро бахше аз хоки Укроин мехонанд.
Ҳамзамон рӯзи сешанбе Владимир Путин гуфт, ки Созмони иттилоотии амниятии Русия ФСБ ба дастури ӯ фаъолиятҳои зиддихаробкории худро, ки ба гуфтаи раисҷумҳури Русия аз сӯи Укроин ва Ғарб созмондеҳӣ мешаванд густариш додааст.
Путин гуфт: “мо бояд амалиётҳои зиддиитлоъотии худро афзоиш диҳем чаро, ки сервисҳои вижаи ғарбӣ ба таври суннатӣ ҳам дар амалиётҳое алайҳи Русия бисёр фаъол буда ва ҳастанд… Ва ҳоло ҳам нерӯҳои бештареро алайҳи мо басиҷ кардаанд… Мо ҳам бояд ба мисли ин иқдомот, вокуниш нишон диҳем”.