Таҳлиле аз BBC
Бархе раҳбарони аврупоӣ ба сӯъистфода аз бӯҳрони кунунии саломатии ҷаҳон барои фишор овардан бар мухолифон ва таҳкими қудрати худ муттаҳам шудаанд.
Туркия садҳо нафарро ба далели ба иштирок гузоштани матолиб дар шабакаҳои иҷтимоӣ дастгир карда ва Русия ҳам мегӯяд интишори ҳар хабаре, ки ҷаълӣ ба ҳисоб биёяд бо муҷозоти зиндон рӯ ба рӯ хоҳад шуд. Ин дар ҳоле аст, ки нигарониҳои зиёде дар робита бо ба хатар афтодани демокрасӣ дар Лаҳистон ва аз байни рафтани он дар Маҷористон (Варшава) вуҷуд дорад.
Ин матлаб ба назароти иддае аз хабарнигорони БиБиСи дар робита бо сӯъистифода аз вируси коруно ба унвони пӯшише барои таҳкими қудрат мепардозад.
Маҷористон
Нахуствазири қудратманди Маҷористон, Виктор Орбан ҳам дар дохил ва ҳам дар хориҷ ба ин муттаҳам шуда, ки дар шароити кунунӣ ба ҷойи муттаҳид кардани кишвар, аз буҳрони вируси коруно барои ба даст овардани қудрат бештар баҳра бурдааст.
Эъломи вазъияти изтирорӣ дар рӯзи 11 март, фурсате арзишманд дар ихтиёри давлати ӯ ба раҳбарии ҳизб ростгаройи “Фидес” гузошт то барои рӯёрӯӣ бо шуйӯъи беморӣ омода шавад. Аммо баъдан давлат бо истифода аз аксарияти худ дар парлумон вазъияти изтирориро то муддате номаълум тамдид кард ва ҳоло ин қудратро дорад, ки то ҳар замон лозим бидонад ин вазъиятро идома диҳад ва ташхиси ин, ки чӣ мавқеъи хатар рафъ шуда ҳам бо худаш аст.
Мухолифон мегӯянд роҳи қонунӣ барои ба таъвиқ андохтани интихобот эъломи фоҷиаи табиӣ дар кишвар аст, ки тибқи он баргузории интихобот дар замони иҷрои иқдомоти фавқулода ва 90 рӯз пас аз он мамнӯъ хоҳад буд. Давлат аммо мегӯяд бо анҷоми чунин коре бояд посухгӯи дархостҳои фалаҷкунандаи ҷуброни хисорат бошад.
Гурӯҳҳои ҳуқуқи башарӣ мегӯянд баргузории интихобот дар моҳи май одилона нест чун дар ҳолика соири номзадҳо муборизоти интихоботии худро мутаваққиф кардаанд, раисҷумҳур ҳамчунон аз пӯшиши расонаии васеъ, ки кумаки ӯ ба давлат ва дидорҳояш аз коркунони бахши саломатро нишон медиҳад, бархӯрдор аст.
Агар интихобот ба таъвиқ меафтод, буҳрони иқтисодии эҳтимолӣ дар Лаҳистон мумкин буд шонси Дудо барои интихоби дубораро ба шакли қобили мулоҳизае коҳиш диҳад. Дар сурати пирӯзии яке аз номзадҳои мухолиф, қудрати ветои раисҷумҳури ҷадид, тавоноии давлат дар иҷрои барномаҳои худ барои севуним соли ояндаро ба таври қобили таваҷҷуҳе мухтал мекард.
Малгорзата Суелка, яке аз вакилони бунёди ҳуқуқи башарии Хелсинкӣ дар Варшава ба БиБиСи гуфт: “Ин як мисоли айнӣ аст аз ин, ки чи гуна метавон бештарин судро аз буҳрон ба даст овард ва дар қудрат монд.”