Раисҷумҳури Эрон Ҳасан Рӯҳонӣ дар вокуниш ба таҳримҳои ҷадиди ИМА алайҳи кишвараш гуфт, ки агар Вашингтон ба тааҳҳудоти худ дар қиболи Теҳрон амал кунад, бо ҳам сӯҳбат хоҳем кард.
Рӯҳонӣ дар вокуниш ба оғози даври дуввуми таҳримҳои Амрико алайҳи кишвараш, бо ишора ба пешниҳоди чанде пеши Вашингтон барои музокира бо Теҳрон гуфт: “шумо ба тааҳҳудоти худ амал кунед, онгоҳ сӯҳбат хоҳем кард. Мо барои ҳарф задан мушкил надорем”.
Ба гузориши пойгоҳи иттилоърасонии раёсатҷумҳурии Эрон, Рӯҳонӣ суханони фавқро дар нишаст бо мудирони вазорати умур иқтисод ва дороии ин кишвар баён дошт ва афзуд:
“Раҳбарони 4 кишвари бузург дар Ню-Йорк восита шуданд, ки бо Трамп мулоқот кунам. Баъд аз он мураттаб барои мо пайғом медиҳанд, ки биёед музокира кунем. Музокира барои чӣ чизе? Шумо аввал он музокирае, ки анҷом додем ва ба натиҷа расидем, ба он эҳтиром бигузоред то замина барои музокираи баъди дуруст шавад.
Мо дар бахш сиёсӣ, афкор умумӣ ва ҳуқуқӣ муваффақиятҳои бисёр хубе ба даст овардем. Ин иқдом содда нест, ки Амрико бар рӯйи ҳарфи биистад ва кулли Иттиҳодияи Аврупо дар муқобили он муқовамат кунад. Ин яъне пирӯзии дипломосӣ ва сиёсати хориҷӣ.
Мо ин муваффақиятро ҳадди ақал аз лиҳози сиёсӣ имрӯз дорем, ҳамонтур, ки дар БАРҶОМ аксарияти қотеъи кишварҳои дунё, ба ғайр аз ду се кишвар ҳама мувофиқ ва ҳомӣ буданд. Имрӯз ҳам тамоми дунё ба истиснои чанд кишвар дар баробари Амрико ва дар канори Эрон ҳастанд.
Сиёсатҳои Вашингтон дар қиболи Эрон бо шикаст мувоҷеҳ хоҳад шуд. Амрико дар ин масире, ки алайҳи миллати Эрон интихоб карда, ҳатман номувафақ хоҳад буд. Амрико ду ҳадаф бештар надорад, мехоҳад Эронро тазъиф ва миллат Эронро ноумед кунад ва ба ҳеҷ кадомаш намерасад.”
Даври дуввуми таҳримҳои Иёлоти муттаҳида алайҳи Эрон — шомили бахшҳои энержӣ, молӣ ва дарёии ин кишвар, ки дар чорчӯби тавофуқи ҳастаӣ дар соли 2015 лағв шуда буд, имрӯз муҷаддадан оғоз шуд.
Иҷрои бастаи дуввум ва ниҳоии таҳрими Эрон, ки дар пайи хурӯҷи якҷонибаи Амрико аз БАРҶОМ бозгардонда шуда буд, аз соат 00.01 дақиқа ба вақти Вашингтон расман шурӯъ шуд.
Ин таҳримҳо фаъолияти байналмиллалии ширкати миллии нафти Эрон ва компанияҳои тобеъи онро маҳдуд хоҳад кард. Амрико қасд дорад иқтисоди Эронро, ки умдатан бар содирот нафт такя мекунад тазъиф кунад.
Амрико дар давраи ҷадид мубодила бо Бонки марказии Эрон ва дигар ниҳодҳои молии эронӣ аз тариқи муассисоти молии хориҷиро низ ҳадафи таҳрим қарор додааст.
Ҳамчунин SWIFT ба унвони осонкунанда байналмилалии мубодилоти бонкӣ шомили таҳримҳои Амрикост. Агар ниҳодҳои иқтисодӣ низ бо муассисоти молии эронӣ, ки таҳрим ҳастанд кор кунанд, таҳрим хоҳанд шуд.
Дар чорчӯби ин бастаи дуввум бахшҳои киштиронӣ, бандар ва ҳамлу нақли дарёии Эрон низ таҳрим хоҳанд шуд. Чанд ширкат ва хутути дарёии Эрон низ дар листи сиёҳи вазорати хазонадории Амрико қарор гирифтаанд.
ИМА рӯз ҷумъа эълом кард, ки 8 кишвар муваққатан аз таҳримҳои нафти озод хоҳанд буд. Номи ин кишварҳо имрӯз тавассути Майк Помпео, вазири умури хориҷа ва Стивен Мнучин вазири молияи Амрико расман эълом хоҳад шуд.