Даҳумин иҷлоси комиссиюни иқтисодии муштараки давлати Туркия ва Тоҷикистон ба раёсати Мустафо Воронак, вазири саноат ва фанноварии Туркия ва Неъматуллоҳ Ҳикматуллозода, вазири тавсеъаи иқтисодӣ ва тиҷорати Тоҷикистон дар Анқара баргузор шуд.
Мустафо Воронак, вазири саноат ва фанноварии Туркия тайи суханоне зимни ишора ба ин ки тавсеаи равобити иқтисодӣ байни Туркия ва Тоҷикистон метавонад барои ҳамаи кишварҳои Осиёи Марказӣ муфид воқеъ шавад, изҳор дошт: Мо дар соли 2018 ба ҳаҷми 380 миллион доллари дар тиҷорат даст ёфтем, аммо ин арқом нишондиҳандаи потенсиали воқеии мо нест. Дар ин марҳала ҳадафи мо ин аст, ки ҳаҷми тиҷорати хориҷии худро дар миёнмуддат ба як миллиард доллар афзоиш диҳем.
Воронак бо ёдоварии сафари ду моҳ қабли Раҷаб Тайиб Урдуғон, раисҷумҳури Туркия ба Тоҷикистон гуфт: Нахустин гоми мушаххасшуда тавассути раҳбарони ду кишвар дар он дидор бо нишасти имрӯз бардошта шудааст.
Вай афзуд: Туркия ва Тоҷикистон ду кишвари бо мероси таърихӣ ва фарҳангӣ муштарак ҳастанд. Тоҷикистон кишваре аст, ки метавонад пойгоҳи лоҷистикии Осиёи Миёна бошад. Ман мӯътақидам, ки равобити тавсеаёфтаи мо фоидаи бисёре барои ҳама кишварҳои минтақа хоҳад дошт.
Воронак тасреҳ кард: Туркия ва Тоҷикистон ду шарики тиҷории бузург ҳастанд, ки қодир ҳастанд равобити дуҷонибаро табдил ба манофеъи мутақобил кунанд.
Вай афзуд: Туркия ҷойгоҳи дувум дар содирот ва рутбаи панҷум дар воридоти ин кишварро дорад. Дар солҳои ахир, як коҳиши нохоста дар тиҷорати хориҷии мо рух додааст. Пас аз он, ин коҳиш бо гомҳои мушаххасе, ки ду кишвар бо фидокории мутақобил анҷом доданд, беҳбуд ёфт. Нақши ҳукуматҳо ва давлатмардон ва ҳамчунин намояндагони бахши хусусӣ дар афзоиши тиҷорати дуҷониба аз аҳамияти вижае бархурдор аст.
Воронак бо баёни аҳамияти ҳамлу нақл дар тавсеъаи тиҷорати байналмилал гуфт: вуруди Тоҷикистон ба хатти роҳи оҳани Русия ва Озарбойҷон фурсатҳои муҳиммеро барои тавсеаи ҳамкориҳои байнламилалӣ эҷод мекунад. Мо ба арзёбии ин мавзӯъ аҳамият медиҳем.
Неъматуллоҳ Ҳикматуллозода, вазири тавсеаи иқтисодӣ ва тиҷорати Тоҷикистон низ изҳор дошт: Дар дидори дуҷониба равобити тиҷорӣ ва иқтисодии мавҷудро арзёбӣ ва дар бораи мавзӯъоти муртабит бо беҳбуди он гуфтугӯ кардаем.
Вай афзуд: Даври даҳуми нишаст равобити байни ду кишварро тавсеъа дода ва ба ҳамкории тиҷорӣ ва иқтисодӣ кӯмак хоҳад кард. Дар протоколи имзошуда, иқдомоти анҷомшуда барои афзоиши ҳаҷми тиҷорати ду кишвар мушаххас шуд. Бар ин асос муқаррар шуд, ки дар ҷиҳати эҷоди ширкатҳои муштарак дар саноати сабук ва фарооварии маводи ғизоӣ талошҳое сурат гирад. Масоили марбут ба эҷоди марокизи ҳамлу нақл ва лоҷистик, фановарии улуми энерҷӣ, саноат, гардишгарӣ ва соири маворид дар тавсеаи ҳамкориҳо мавриди баҳс ва табодули назар қарор гирифт.