Иқтисоди ҷаҳонӣ танҳо як паллаи дигар бо рукуди дувум дар тӯли ин даҳа фосила дорад. Иттифоқе, ки беш аз 80 сол аст рух надодааст. Ин охирин ҳушдори Бонки ҷаҳонӣ аст, ки рӯзи сешанбе пешбинии худ аз рушди иқтисоди ҷаҳониро ба шиддат коҳиш додааст.
Ин Бонк пешбинӣ мекунад, ки иқтисоди ҷаҳонӣ дар сол ҷорӣ танҳо 1.7 дарсад рушд хоҳад кард. Албатта ин мизони ночизи рушд, интиқоди Бонки ҷаҳонӣ аз кишварҳои дар ҳоли тавсеаро ҳам, ки қаблан дар давраи ҳамагирӣ ва афзоиши нархҳои баҳра, осеб дида буданд, ба ҳамроҳ дошт. Тибқи пешбинии Бонки ҷаҳонӣ рушдӣ иқтисодӣ ҷаҳон дар соли 2024 ба 2.7 дарсад хоҳад расид.
Дэвид Малпас, раиси Бонки ҷаҳонӣ дар баёнияе эълом кард, ки бо бадтар шудани чашмандози рушди ҷаҳонӣ, буҳрони пешорӯии тавсеа ташдид хоҳад шуд.
Таварруми боло, сиёсати таҳоҷумии банкҳои марказӣ, вахомати шароити молии кишварҳо ва шокҳои ҳосил аз ҳамлаи Русия ба Укроин ҳамагӣ рӯйи рушди иқтисоди ҷаҳонӣ сангинӣ мекунанд.
Тибқи гузориши Бонки ҷаҳонӣ, дар натиҷаи ин шароит, шокҳои манфӣ бештар метавонад барои эҷоди шароити рукудӣ кофӣ бошад.
Иқтисоди ҷаҳонӣ дар тӯли рукуди ҳамагирии соли 2020, 3.2 дарсад кӯчак шуд. Ҷаҳон охирин бор дар даҳаи 1930 ду рукудро дар тӯли як даҳа таҷриба карда буд.
Бонки ҷаҳонӣ мегӯяд, ки интизор дорад иқтисоди Иёлоти муттаҳида дар соли 2023 танҳо 0.5 дарсад рушд кунад. Аз тарафе барои 20 кишваре, ки аз евро истифода мекунанд ва аз ҷанги Укроин осеб дидаанд, ҳеҷ интизори рушдӣ вуҷуд надорад. Ҳар дуи ин пешбиниҳо камтар аз пешбинии мунташиршуда дар июни 2022 аст.
Ҳамчунин тибқи ин гузориш, пешбинӣ мешавад рушди иқтисодии Чин дар соли 2023 пас аз лағви маҳдудиятҳои Ковид-19 афзоиш ёбад ва ба 4.3 дарсад бирасад. Аммо ҳатто ин пешбинӣ ҳам нисбат ба шаш моҳи қабл коҳиш ёфтааст. Ин пешбинии коҳиш дар иқтисоди Чин, ношӣ аз набудани тасмимҳои қатъӣ дар бозори амлоки ин кишвар, талаботи камтари кишварҳои дигар барои маҳсулоти сохти Чин ва идомаи мушкилоти марбут ба ҳамагирӣ аст.
Бонки ҷаҳонӣ дар гузориши худ эълом кард, ки се мотори аслии рушди ҷаҳонӣ, яъне Иёлоти муттаҳида, минтақаи евро ва Чин дар ҳоли гузарондани даврае аз заъфи ошкор ҳастанд.
Тибқи ин гузориш, то поёни соли 2024, тавлиди иқтисодӣ дар бозорҳои навзуҳур ва иқтисодҳои дар ҳоли тавсеа ҳудуди 6 дарсад камтар аз сатҳе хоҳад буд, ки қабл аз ҳамагирӣ расм шуда буд.