Давлати маҳаллии Чҷэтсян дар Чин рӯзи якшанбе эълом кард, ки ин устон рӯзона бо ҳудуди як миллион мавриди ибтило ба бемории ҳамагири “Ковид-19” рӯ ба рӯ аст ва интизор меравад ин рақам тайи рӯзҳои оянда ду баробар шавад.
Маркази контрол ва пешгирӣ аз бемориҳо дар Чин бо вуҷуди афзоиши бесобиқа омори мубталиён ба вируси коруно дар ин кишвар гузориш дода, ки тайи панҷ рӯзи гузашта ҳатто як мавриди марг бар асари ибтило ба ”Ковид-19” дар Чин ба сабт нарасидааст. Ин дар ҳоле аст, ки коршиносони байналмилалӣ ин оморро зери савол мебаранд ва аз давлати Чин хостаанд то бо шаффофияти бештаре дар бораи мавҷи шуйӯъи коруно дар ин кишвар иттилоърасонӣ кунад.
Афзоиши мавориди ибтило ба вируси коруно дар Чин ба думболи тағйири сиёсати Пекин дар қиболи шуйӯъи ин вирус ба сабт расидааст. Пекин чанд ҳафта пеш дар пайи эътирозҳо ба сиёсати маъруф ба “Ковид сифр” маҳдудиятҳои ҷоришуда барои ҷилавгирӣ аз шуйӯъи вируси коруноро коҳиш дод.
Комиссиюни миллии саломатии Чин дар ҳамин росто дигар омори шиносоии мавриди бидуни алоими ибтило ба бемори “Ковид-19”-ро эълом намекунад. Устони санъатии Чҷэтсян аз ҷумла манотиқе аст, ки интизор меравад омори мубталоёне, ки алоими бемории “Ковид-19”-ро надоранд, дар онҳо боло бошад.
Устони Чҷэтсян беш аз 65 миллион нафар ҷамъият дорад. Мақомҳои давлатии Чин ба думболи тағйири сиёсати “Ковид сифр” таърифи худ аз маргу мир бар асари бемории “Ковид-19”-ро тағйир додаанд. Ба ин тартиб Пекин дигар танҳо марги мубталоён дар пайи аз кор афтодани дастгоҳи танаффусиро мавриди марг бар асари “Ковид-19” медонад. Ин дар ҳолест, ки кишварҳои дигар таърифи густурдатаре аз марг бар асари ин беморӣ доранд ва онро ба ҷон бохтан дар пайи мушкилоти танаффусӣ маҳдуд накардаанд.
Аз сӯи дигар Созмони ҷаҳонии беҳдошт эълом кардааст, ки аз замони коҳиши маҳдудиятҳо дар Чин додаҳои муртабит бо афродеро, ки ба далели ибтило ба коруно дар бемористонҳои ин кишвар бистарӣ шудаанд дарёфт накардааст.
Коршиносон шуйӯъи густурдаи вируси коруно дар Чинро натиҷаи заъф дар ваксиносюн ва короии поини воксинҳои сохти ин кишвар медонанд. Ҳамагирии “Ковид-19” дар Чин ба нигарониҳо аз эҳтимоли ҷаҳиши вируси коруно ва шуйӯъи савийяи хатарноктар ё масиртаре аз ин вирус доман задааст.