Металлҳои қиматбаҳо, сангҳои қиматбаҳо ва нимақиматбаҳо дар семоҳаи аввали соли ҷорӣ ба маблағи 85 миллион доллар ба хориҷ содир шуд.
Дар ин бора хабаргузории АзияПлюс бо истинод аз Агентии омори назди президенти Ҷумҳурии Тоҷикистон гузориш додааст.
Ин дар 88% камтар дар муқоиса бо содироти металҳои қимматбаҳо ба хориҷа дар ҳамин давраи соли 2021мебошад.
Содироти металлҳои қиматбаҳо аз моҳи январ то марти соли гузашта ҳудуди 709 миллион долларро ташкил дода буд.
Саҳми филизоти қиматбаҳо дар ҳаҷми умумии содироти Тоҷикистон дар семоҳаи аввали соли ҷорӣ аз 75%-и ҳамин давраи соли 2021 то 18% коҳиш ёфт.
Афзоиши назарраси фурӯши металлҳои қиматбаҳо дар хориҷа дар баҳори соли 2020, ҳангоми паҳншавии COVID-19 ба амал омад. Дар шароити маҳдудиятҳои марбут ба пандемия, ҳаҷми интиқоли пул низ коҳиш ёфт, ки ҳукумати Тоҷикистон маҷбур шуд, як қисми захираҳои тиллоии худро барои воридоти асъори хориҷӣ фурӯшад.
Бино ба маълумоти Агентии омор, тайи ду соли ахир аз Тоҷикистон ба маблағи 1 миллиарду 600 миллион доллар филизоти қиматбаҳо содир шудааст, ки ба 46 дарсади содироти ҷумҳурӣ дар ин давра баробар аст.
Захираҳои тиллою асъори Тоҷикистон дар Бонки миллӣ ва Вазорати молияи ҷумҳурӣ қарор доранд. Моҳи феврали соли равон роҳбарияти БМТ дар нишасти матбуотӣ гуфта буд, ки то оғози соли 2022 захираи тиллову асъор 7 моҳи фарогирии воридотро ташкил дода, маълумот дар бораи захираҳои байналмилалии Вазорати молия пешниҳод нашудааст. Захираи тиллои Тоҷикистон аз ҳисоби металлҳои қимматбаҳое, ки дар кишвар истеҳсол карда мешавад, пурра мегардад.
Қаблан Вазорати саноат хабар дода буд, ки филизоти қиматбаҳоро ба истиснои миқдори андаке, ки ба дӯконҳои заргарии ватанӣ ворид мешавад, пурра аз ҷониби БМТ ва Вазорати молия харидорӣ мекунанд. Истеҳсоли тилло дар ҳафт соли охир бо суръати рекордӣ афзоиш ёфта, панҷ баробар афзуда, аз 2 тонна дар соли 2014 то ба қариб 10 тонна дар соли 2021 афзоиш ёфтааст.