Коруно дар Эрон бо шиддат пеш меравад. 47 нафар, аз ҷумла чанд сиёсатмадор ба ин вирус гирифтор шудаанд, Маҷлиси Эрон ҷаласаи ғайриаланӣ баргузор кард ва имкони карантин шудани Теҳрон, пойтахти ин кишвар вуҷуд дорад. 

Раис шӯрои шаҳри Теҳрон гуфт: дар сурате ки теъдоди афроди мубтало ба коруно дар пойтахт зиёд шавад, шаҳр карантин мешавад. 

Мӯҳсин Ҳошимӣ субҳи имрӯз дар гуфтугӯ бо як барномаи зиндаи телевизионӣ дар иртибот бо эҳтимоли карантини пойтахт изҳор кард: ин мавзӯъ бояд аз сӯи вазорати беҳдошт пайгирӣ шавад; Аммо агар теъдоди афроди мубтало зиёд шавад, ҳатман ин корро анҷом хоҳанд дод. 

Вай дар иртибот бо эҳтимоли ибтилояш ба коруно ва ширкат дар интихобот бо вазири умури хориҷа дар рӯз ҷумъа, гуфт: хушбахтона оқои Зариф балад буданд ва даст надоданд. Мо дар онҷо ҳузур дошта ва рӯбӯсӣ ҳам накардем ва пас аз раъй додани сареъ аз ҳавза хориҷ шудам. 

Раиси шӯрои исломии шаҳри Теҳрон имрӯз ба иллати эҳтимоли ибтило ба коруно ба воситаи дидор бо шаҳрдори минтақаи 13-и Теҳрон, ки ба коруно мубталост, дар ҷаласаи имрӯзи шӯрои шаҳри Теҳрон ширкат накарда ва худхоста ба карантин рафтааст.

Ҷаласаи ғайри аланӣ дар бораи шуйӯъи вируси коруно субҳи имрӯз дар Маҷлиси Эрон бо ҳузури Саид Намакӣ вазири беҳдошти ин кишвар баргузор шуд. 

Алӣ Лориҷонӣ, раиси маҷлиси Эрон баъд аз ҷаласаи ғайри алании баррасии абъоди шуйӯъи коруно бо ҳузури вазири беҳдошти Эрон гуфт: “мардум дар баҳси мубориза бо вируси коруно, дастуруламалҳои ситоди миллӣ бо ин амрро ба диққат риоят кунанд ва ҳама дастгоҳҳои ҳукумат муваззаф ҳастанд ба диққати мусаввабот ин ситодро, ки аз пуштибонии Шӯрои олии амнияти миллӣ бархӯрдор аст, риоят кунанд чаро, ки ба саломатии мардум марбут аст”. 

Вирус коруно дар Эрон то кунун 47 нафарро мубтало кардааст. Ҳамчунин дар ин миён 12 нафар қурбонӣ шудаанд. Аммо коршиносон мегӯянд ин омори танҳо бистаришудаҳоеянд, ки вазъашон вахим аст ва имкон дорад ҳазорон нафар гирифтори коруно бошанд.

Асадуллоҳ Аббосӣ, сухангӯи ҳайати раисии Маҷлиси Эрон дар бораи ҷузъиёти ҷаласа ғайриалании имрӯзи маҷлис бо ҳузури вазири беҳдошт гуфт: тақрибан 47 маврид дар саросари кишвар мубтало ба вирус коруно ташхис дода шудаанд, ки мутаассифона мунҷар ба фавт 12 нафар шудааст. 

Тибқи эъломи вазири беҳдошт бештари ноқилони вирус афроде буданд, ки аз Покистону Афғонистону Чин ворид кишвар шуда ва бархе аз онҳо аз мабоди ғайриқонунӣ вориди кишвар шуда буданд.