Амрико таҳримҳоеро алайҳи гурӯҳе аз сиёсатмадорони чинӣ аз ҷумла як узви политбюрои Ҳизби коммунист, ки мегӯяд масъули нақзи ҳуқуқи асосии ақаллияти мусулмон дар устони Синкёнг ҳастанд эълом кардааст.
Чин муттаҳам ба боздошти анбӯҳ, саркӯби мазҳабӣ ва ақимсозии иҷбории уйғурҳо ва соири мусулмонон аст.
Ин таҳримҳо манофеъи молии Чун Квонгу, раиси ҳизби коммунисти минтақа ва се мақоми дигар дар Амрикоро ҳадаф мегирад.
Чин бадрафторӣ бо мусулмонон дар Синкёнгро такзиб мекунад.
Тасаввур мешавад мақомҳо дар ин устон дар солҳои ахир ҳудуди як миллион нафарро дар урдугоҳҳои бозпарварӣ маҳбус карда бошанд. Чин мегӯяд инҳо марокизи «омузиши ҳирфаӣ» барои муқобила бо ифротгароӣ ва ҷудоиталабӣ аст.
Давлати Трамп мегӯяд Чун, узви политбюрои қудратманди Ҳизби коммунисти Чин, баландпоятарин мақоми чинӣ аст, ки бо таҳримҳои Амрико мувоҷиҳ мешавад. Ў меъмори сиёсатҳои Пекин алайҳи ақаллиятҳо қаламдод мешавад.
Вонг Мингшон, мудири идораи амнияти умумии Синкёнг, Жу Ҳоилун узви аршади Ҳизби коммунист дар Синкёнг, ва Ҳу Лиуҷун мақоми собиқи амниятӣ дигар таҳримшудагон ҳастанд.
Ба ин тартиб ҳар гуна муомилаи молӣ дар Амрико бо ин афрод акнун ғайриқонунӣ аст ва агар онҳо дар Амрико амволе дошта бошанд масдуд хоҳад шуд.
Кулли идораи амнияти умумии Синкёнг ҳам дар феҳристи таҳримҳои Амрико қарор гирифтааст.
Майк Помпео вазири хориҷа Амрико гуфт, ки Вашингтон алайҳи «бадрафториҳои ҳавлнок ва низомманд» дар минтақа амал мекунад.
Помпео дар баёнияе гуфт: «дар ҳоле, ки Ҳизби коммунисти Чин ба нақзи ҳуқуқи башари уйғурҳо, қазоқҳо ва аъзои соири гурӯҳҳои ақаллият дар Синкёнг идома медиҳад, Иёлоти муттаҳида фақат назорагар нахоҳад буд.»
Ӯ гуфт, ки Амрико маҳдудиятҳои дигаре ҳам алайҳи соири мақомҳои Ҳизби коммунист, ки тасаввур мешавад масъули нақзи ҳуқуқи башар дар Синкёнг бошанд эъмол хоҳад кард. Хонаводаҳои онҳо ҳам мумкин аст дар маърази ин маҳдудитҳо қарор гиранд.
Дар моҳҳои ахир таниш миёни Амрико ва Чин бар сари пандемии вируси коруно ва тасмими Чин барои эъмоли қавонини амнияти миллӣ дар Гонконг боло гирифтааст.